ភ្នំពេញ៖ បើទោះជាពេលនេះ កំពូលតារាចម្រៀងប្រចាំផលិតកម្មរស្មីហង្សមាសអ្នកនាង ឱក សុគន្ធកញ្ញា រៀបការរួចទៅហើយក៏ពិតមែន ក៏ប៉ុន្តែអ្នកគាំទ្រសង្កេតឃើញថា ប្រជាប្រិយភាពរបស់តារាស្រីរូបនេះ នៅតែឈរលំដាប់ជួរមុខ និងមិនស្រុតចុះនោះទេ។
ដោយឡែក មួយរយៈចុងក្រោយនេះ អ្នកគាំទ្រសង្កេតឃើញថា ចាប់តាំងពីរៀបការរួច អ្នកនាង ឱក សុគន្ធកញ្ញា ផ្តើមផ្លាស់ប្តូរស្ទាយ៏យ៉ាងប្លែក ដូចជាស្ទាយ៏សក់ ហើយជាពិសេសនោះ គឺស្ទាយនៃស្លៀកពាក់របស់ខ្លួនតែម្តង ដោយរូបនាងមានការរៀបចំខ្លួនស្លៀកសម្លៀកបំពាក់ដូចនឹងឈុតខោអាវគេង ជាមួយស្បែកជើងធម្មតា សម្រាប់ចូលរួមកម្មវិធីផ្សេង ក៏ប៉ុន្តែមិនមែនកម្មវិធីការប្រគំតន្ត្រីនោះទេ។
យ៉ាងណាមិញ នេះគឺជាលើកទី២ហើយ ដែលអ្នកគាំទ្រឃើញតារាស្រីរូបនេះ ស្លៀកសម្លៀកបំពាក់ស្រដៀងទៅនឹងឈុតខោអាវគេង សម្រាប់ចូលរួមកម្មវិធី។ ម៉្យាងវិញទៀត សម្រាប់សម្លៀកបំពាក់ស្ទាយ៏ថ្មីមួយបែបនេះដែរ អ្នកនាង ឱក សុគន្ធកញ្ញា ក៏ត្រូវបានមហាជន ក៏ដូចជាអ្នកគាំទ្រជាច្រើន លាន់មាត់សរសើរថាស្ទាយ៏ថ្មីរបស់នាងមួយបែបនេះ ពិតជាស្អាតប្លែក ដែលមើលទៅពិតជាទាក់ទាញមួយកម្រិតទៀត ហើយក៏មិនទាន់ឃើញមានតារាស្រីរូបណាក្នុងប្រទេសកម្ពុជា តែងខ្លួនបែបនេះ ចូលរួមកម្មវិធីនៅឡើយនោះទេ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]