ម៉ូតសក់ខ្លីរបស់ Mai Davika មួយនេះ ពិតជាស្រស់ស្អាតខ្លាំង ឃើញហើយលង់ស្នេហ៍ ដកចិត្តមិនចង់រួច!

ថៃ៖ បច្ចុប្បន្ននេះម៉ូតសក់ខ្លី កំពុងតែបានទទួលនូវការពេញនិយមយ៉ាងខ្លាំងពីសំណាក់យុវវ័យសម័យថ្មី ជាពិសេសគឺអ្នកដែលស្រលាញ់នូវការលេងស្ទីលបែបឃ្យូតៗ តែងតែនាំគ្នាទៅកាត់សក់ខ្លី ព្រោះមើលទៅគួរឱ្យស្រលាញ់ ហើយមិនសាំទៀត។ 

ជាក់ស្តែង នៅថ្ងៃនេះតារាសម្តែងស្រីរូបស្រស់កញ្ញា Mai Davika ក៏បានធ្វើឱ្យអ្នកគាំទ្ររបស់ខ្លួន មានភាពភ្ញាក់ផ្អើលយ៉ាងខ្លាំង ដោយសារតែស្ទាយ៍នៃការតុបតែងខ្លួនកាត់សក់ខ្លីរបស់នាងទៅចូលរួមនៅក្នុងកម្មវិធី «L'Oréal Paris»។

ការលេងស្ទីលម៉ូតសក់ខ្លីមួយម៉ូតនេះ គឺពិតជាធ្វើឱ្យនាងមើលទៅស្រស់ស្អាត និងគួរឱ្យស្រលាញ់ខ្លាំងជាងមុនទៅទៀត ឃើញហើយលង់ស្នេហ៍ដកចិត្តមិនរួច។ ជាពិសេស គឺធ្វើឱ្យហ្វេនស្រីៗឃើញភ្លាម ចង់ទៅកាត់សក់ខ្លីដូចនាងដែរ។ 

គួរឱ្យដឹងផងដែរថា បច្ចុប្បន្នតារាសម្តែងកញ្ញា Mai Davika កំពុងតែទទួលបាននូវប្រជាប្រិយភាពយ៉ាងខ្លាំង ពីសំណាក់ទស្សនិកជនជាច្រើន ហើយក្រៅពីភាពល្បីល្បាញនៅក្នុងប្រទេសហើយនោះ តារាស្រីរូបនេះក៏មានកេរ្តិ៍ឈ្មោះបោះសំឡេងទៅដល់ក្រៅប្រទេសផងដែរ។ ជាញឹកញាប់នាងតែងត្រូវបានគេផ្តល់កិត្តិយសឱ្យទៅបង្ហាញម៉ូត ក៏ដូចជាទៅចូលរួមនៅក្នុងកម្មវិធីល្បីៗនានាឱ្យប្រ៊េនសម្លៀកបំពាក់ និងគ្រឿងសម្អាងធំៗជាដើម៕

រូបភាពពី៖ Mai Davika Hoorne Cambodia FC

តោះចង់ដឹងថា ម៉ូតសក់ខ្លីរបស់ Mai Davika លើកនេះស្រស់ស្អាតយ៉ាងណានោះ មកទស្សនារូបភាពរបស់នាងដូចខាងក្រោមនេះ៖ 

• រូបភាព
• តារាថៃ