ខែក្រោយ ប្រុសស្អាត Dome ដឹកដៃសង្សារដែលស្រលាញ់គ្នា៦ឆ្នាំ ចូលរោងការ តែអញ្ជើញភ្ញៀវតែ៥០០នាក់ប៉ុណ្ណោះ!

ថៃ៖ តារាចម្រៀង និងសម្តែង Dome Pakornlamនិងគូរស្នេហ៍ Metal Sukkhao ទីបំផុត សម្រេចចិត្តចូលរោងការ នៅពាក់កណ្តាលខែក្រោយខាងមុខនេះហើយ  បន្ទាប់ពីគូស្នេហ៍មួយគូរនេះ មើលចិត្តថ្លើមគ្នាអស់រយៈពេលជាង៦ឆ្នាំរួច​មក​។

កាលពីពេលថ្មីៗកន្លងទៅនេះ តារាចម្រៀងនិងសម្តែងDome Pakornlam បានបង្ហោះរូបមួយសន្លឹកដែលបានសរសេរថា «សំបុត្រមង្គលការរបស់ខ្ញុំបានមកដល់ហើយ!»។ នៅលើទំព័រនៃសបុត្របានបញ្ជាក់ថា ពិធីមង្គលការរបស់អ្នកទាំងពីរនឹងប្រព្រឹត្តឡើង នៅថ្ងៃទី១៧ ខែសីហា ខាងមុខនេះហើយ។ យោងទៅតាមប្រភពបានឲ្យដឹងថា ពួកគេគ្រោងនឹងអញ្ជើញភ្ញៀវ ឲ្យចូលរួមចំនួនប្រហែលជាង​៥០០នាក់។

គួរបញ្ជាក់ផងដែរថា កាលពីខែកញ្ញា ឆ្នាំ២០១៨ កន្លងទៅតារាប្រុសរូបនេះបានសុំមិត្រស្រីរៀបការយ៉ាងផ្អែមល្ហែម នៅអំឡុងពេលដែលពួកគេធ្វើដំណើរកម្សាន្តនៅឯ New Zealand ហើយកាលពីថ្ងៃទី០៩ ខែមីនាកន្លងទៅនេះ តារាចម្រៀង និងសម្តែង Dome Pakornlam ក៏បានបង្ហោះរូបPre-Wedding មួយចំនួននៅលើInstagram ផ្លូវការរបស់ខ្លួនផងដែរ៕

• ស្នេហា
• ជីវិត
• អនាគត
• តារាថៃ