អេស្ប៉ាញ៖ កីឡាករចំណូលថ្មីរបស់ក្លិបអ្នកមានបុណ្យ Barcelona កីឡករ Frenkie de Jong បាននិយាយថាខ្លួនធ្លាប់មានក្ដីស្រមៃទៅលេងឲ្យក្លិបនៅអង់គ្លេស Arsenal មុននឹងបន្តដំណើរឆ្ពោះមកលេងជាមួយ Barcelona ប៉ុន្តែពេលនេះ គេបានមកចូលរួមជាមួយក្លិបមានមូលដ្ឋាននៅតំបន់កាតាឡាន់តែម្ដង ដោយមិនបានទៅលេងនៅ Arsenal នោះទេ។
ខ្សែបម្រើជម្រើសជាតិហូឡង់ Frenkie de Jong បានមកចូលរួមជាមួយក្លិបជើងឯកអេស្ប៉ាញកាលពីដើមសប្ដាហ៍នេះ ក្នុងតម្លៃខ្លួន ៦៥លានផោន (៨១លានដុល្លារ) បន្ទាប់ពីផ្លាស់មកពីក្លិបជោគជ័យនៅហូឡង់ Ajax។
កីឡាករវ័យ ២២ឆ្នាំ de Jong ចង់ដើរតាមគន្លងរបស់រៀមច្បងរបស់ខ្លួន Marc Overmars ដែលផ្លាស់ពី Ajax ទៅចូលរួមជាមួយ Arsenal សិនមុនផ្លាស់ទៅលេងនៅ Barcelona។ ខណៈពេលនេះផងដែរ Overmars កំពុងតែមានតួនាទីជានាយកផ្នែកកីឡាកររបស់ Ajax។
“នៅក្នុងចិត្តរបស់ខ្ញុំ ខ្ញុំបានគិតទុកជាយូរណាស់មកហើយគឺ Ajax-Arsenal-Barcelona ដែលនេះគំរូរបស់ Marc Overmars ប៉ុន្តែជាការពិត បើសិនជាអាចទៅ Barcelona តែម្ដងគឺពិតជាល្អដែលនេះលឿនជាងអ្វីដែលខ្ញុំធ្លាប់បានស្រមៃ។” De Jong ប្រាប់សារព័ត៌មាន Voetbal International។
គួរបញ្ជាក់ផងដែរថា ក្រៅពី Barcelona កីឡាកររបស់ Ajax រូបនេះក៏ត្រូវបានក្លិបធំពីរនៅអឺរ៉ុបចា់បអារម្មណ៍គឺ Manchester City និង Paris Saint-Germain ប៉ុន្តែគេបានសម្រេចចិត្តចូលរួមជាមួយ Barcelona ដែលជាក្លិបក្នុងក្ដីស្រមៃរបស់គេ៕
ប្រភព៖ GOAL
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]