ភ្នំពេញ៖ ដូចដែលអ្នករាល់គ្នាស្គាល់ហើយថា តុក្កតាបិសាច Chucky ពីខ្សែភាពយន្តរន្ធត់ដែលចាក់បញ្ចាំងតាំងតែពីពួកយើងនៅវ័យក្មេងៗនោះ បានត្រឡប់មកវិញហើយនាពាក់កណ្ដាលឆ្នាំ២០១៩ នេះ។ Chucky បានបង្ហាញខ្លួនតំបូងបំផុតក្នុងឆ្នាំ ១៩៨៨ ក្នុងវគ្គទីមួយ ដែលនិយាយអំពីបុរសម្នាក់ដែលបានធ្វើអត្តឃាតហើយប្រើប្រាស់មន្តអាគម និងវិជ្ជាសីលដើម្បីចូលទៅក្នុងខ្លួនតុក្កតា Chucky ដើម្បីតាមសម្លាប់ និងសងសឹក។
សម្រាប់អ្នកដែលកើតក្នុងជំនាន់ឆ្នាំ៩០ ឬកំឡុងឆ្នាំ ២០០០ ច្បាស់ជាស្គាល់តុក្កតាបិសាចដ៏គួរឲ្យខ្លាចមួយនេះហើយ។ ដោយឡែកក្នុងឆ្នាំ ២០១៩ នេះផលិតកម្ម Orion Pictures និងផលិតកម្មដៃគូសហការផ្សេងៗទៀតបានបង្កើតរឿង តុក្កតា Chucky នេះសារជាថ្មីជាមួយនឹងឈុតឆាក និងសាច់រឿងជាពិសេសបច្ចេកវិទ្យាថ្មីដែលធ្វើឲ្យខ្សែភាពយន្តនេះកាន់តែគួរឲ្យខ្លាច និងភ័យរន្ធត់ខ្លាំងជាងវគ្គមុនៗទៅទៀត។
គួរបញ្ជាក់ផងដែរថា រឿង «តុក្កតាបិសាច Chucky» នេះនិយាយអំពីក្មេងប្រុសម្នាក់ឈ្មោះ Andy ដែលទទួលបានអំណោយថ្ងៃកំណើតពីម្ដាយរបស់គេ ដែលជាតុក្កតាបច្ចេកវិទ្យាថ្មី Chucky នេះ។ តែសកម្មភាពរបស់តុក្កតានេះចេះតែចម្លែកទៅៗពីមួយថ្ងៃទៅមួយថ្ងៃរហូតដល់គ្រប់គ្រងលែងបាន។ វាធ្វើឲ្យ Andy និងអ្នកជុំវិញខ្លួនភ័យខ្លាចដោយសារតែតុក្កតានេះរហូតដល់មានគ្រោះថ្នាក់ដល់ជីវិតទៀតផង។ សម្រាប់អ្នកដែលចូលចិត្តខ្សែភាពយន្តបែបភ័យរន្ធត់នេះអាចមកទស្សនាបាន ដែលមានចាក់បញ្ចាំងចាប់ពីថ្ងៃទី០៨ ខែកក្កដា នេះហើយ តែទស្សនិកជនដែលមានអាយុក្រោម ១៨ ឆ្នាំ ហាមមិនឲ្យទស្សនាឡើយដោយសារតែមានឈុតភ័យរន្ធត់ខ្លាំង៕
ទស្សនា Trailer នៅទីនេះ
ដើម្បីទទួលបានព័ត៌មានលំអិតពីភាពយន្តនេះ និងព័ត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្ត អាចចូលទៅកាន់ចៃកុនតាមរយៈ www.cinema.com.kh ឬតាមប្រព័ន្ធបណ្តាញសង្គមដូចជា: www.facebook.com/JaiKon.Cambodia, www.youtube.com/JaiKonCambodia ហើយក៏អាច add ចៃកុនជាមិត្តក្នុងកម្មវិធី LINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និងរបស់ពីភាពយន្តជារៀងរាល់សប្តាហ៍។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]