ចិន៖ ផ្ទុះការភ្ញាក់ផ្អើល ក្រោយគ្រូពេទ្យរកឃើញសត្វឈ្លើងគួរឱ្យញញើតមួយក្បាល សំងំលាក់ខ្លួនរស់នៅក្នុងបំពង់.ករបស់ស្រ្តីម្នាក់។
យោងតាមប្រភពបានឱ្យដឹងថា ថ្មីៗនេះអ្នកស្រី Wang អាយុ ៦៥ឆ្នាំ បានទៅឱ្យពេទ្យពិនិត្យ ក្នុងទីក្រុងគួយយ៉ាង បន្ទាប់ពីអ្នកស្រីក្អកធ្លាក់ឈាម ហើយចេះតែឈឺចាប់ មានអារម្មណ៍ថាដូចជាមានរបស់អ្វីមួយកំពុងតែធ្វើចលនានៅក្នុងបំពង់.ករបស់គាត់។
បន្ទាប់ពីលោកគ្រូពេទ្យ Yao Hongmei ពិនិត្យមើលទៅ ស្រាប់តែឃើញសត្វឈ្លើងគួរឱ្យញញើតមួយក្បាល កំពុងតែសំងំលាក់ខ្លួនរស់នៅក្នុងបំពង់.ករបស់អ្នកស្រី Wang ទៅវិញ។
ភ្លាមៗនោះ លោកគ្រូពេទ្យ Yao និងក្រុមការងារបានព្យាយាមយកសត្វឈ្លើងនេះចេញពីបំពង់.ករបស់អ្នកស្រី Wang។ នៅទីបំផុតពួកគេក៏អាចយកចេញបានសម្រេច ហើយរកឃើញថាសត្វឈ្លើងនេះមានប្រវែងដល់ទៅ ៣សង់ទីម៉ែត្រ។
លោកវេជ្ជបណ្ឌិត Yao បាននិយាយថា កន្លងមកលោកក៏ធ្លាប់ជួបករណីបែបនេះច្រើនមកហើយ។
យ៉ាងណាមិញ ជុំវិញនឹងករណីខាងលើនេះដែរ អ្នកស្រី Wang ត្រូវបានគេដឹងថា គាត់ជាកសិករម្នាក់ ហើយការដែលឈ្លើងអាចចូលទៅសំងំលាក់ខ្លួន រស់នៅក្នុងបំពង់.កគាត់នេះបាន គេជឿជាក់ថា មកពីគាត់ទទួលទានទឹកឆៅ ដែលពុំបានដាំឲ្យបានត្រឹមត្រូវ។
ជាមួយគ្នានេះដែរ លោកគ្រូពេទ្យ Yao ក៏បានផ្តល់ជាដំបូន្មានដល់ប្រជាជនទាំងអស់ ឲ្យទទួលទានទឹកឆ្អិនដើម្បីធានាសុវត្ថិភាព និងសុខភាពល្អទាំងអស់គ្នាផងដែរ៕
ទស្សនារូបភាពនិងវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]