អ៊ីតាលី៖ ក្លិបបាល់ទាត់សេះបង្កង់ Juventus បានច្រានចោលសំណើ ២៧លានផោនរបស់ក្លិប Everton ក្នុងការចង់បានខ្សែប្រយុទ្ធវ័យក្មេង និងជាជម្រើសជាតិអ៊ីតាលី Moise Kean។
Moise Kean មានវ័យ ១៩ឆ្នាំ និងជាកីឡាករវ័យក្មេងម្នាក់ដែលមានទេពកោសល្យក្នុងការលេងបាល់មិនធម្មតានៅអឺរ៉ុប ដោយរដូវកាលមុនរូបគេអាចរកគ្រាប់បាល់បាន ៦គ្រាប់ក្នុងការបង្ហាញខ្លួន ៥៣៦នាទីក្នុងក្របខណ្ឌ Serie A។
Everton ហាក់មានបំណងចង់ពង្រឹងតំបន់ប្រយុទ្ធ បើទោះបីជាបច្ចុប្បន្នមានកីឡាករខ្សែបម្រើប្រយុទ្ធ Gylfi Sigurdsson និង Richarlison ដែលអាចរកគ្រាប់បាល់បានម្នាក់ ១៣គ្រាប់កាលពីរដូវកាលមុន ក៏នៅតែចង់បាន Moise Kean ទៅរួមក្រុមនៅរដូវកាលក្រោយ។
Moise រកគ្រាប់បាល់ឲ្យក្រុមជម្រើសជាតិអ៊ីតាលីឈុតធំបាន ២គ្រាប់ក្នុងការបង្ហាញខ្លួន ៣ដងតែប៉ុណ្ណោះ។ ហើយរូបគេក៏ជាតួអង្គសំខាន់ម្នាក់ក្នុងក្រុមជម្រើសជាតិអ៊ីតាលី U-21 ផងដែរ។
គួរបញ្ជា់ផងដែរថា ក្រៅពីក្លិបនៅអង់គ្លេស Everton ខ្សែប្រយុទ្ធវ័យក្មេង Moise Kean ក៏ស្ថិតនៅក្នុងការចង់បានរបស់ជើងឯកហូឡង់ Ajax ផងដែរ៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]