កូរ៉េខាងត្បូង ៖ រូបភាព និងវីដេអូជាច្រើនរបស់ V នៅឯព្រលានយន្តហោះ ត្រូវបានគេបង្ហោះជាហូហែ នៅក្នុងបណ្ដាញអ៊ីនធើណែត ធ្វើឲ្យមហាជនចាប់ផ្ដើមពោលសរសើរ សមាជិកក្រុម BTS ម្នាក់នេះមិនដាច់ពីមាត់។

ថ្មីៗនេះ នៅពេលដែលសមាជិកក្រុម BTS ធ្វើដំណើរទៅកាន់ប្រទេសជប៉ុន V ត្រូវបានចោមរួមដោយ ក្រុមអ្នកគាំទ្រ និងអ្នកកាសែតជាច្រើន ដើរតាមចាំថតរូបរបស់លោកជុំទិញ សូម្បីតែដើរក៏ពិបាក។

ទោះបីជាយ៉ាងនេះក្ដី V មិនត្រឹមតែមិនបង្ហាញ អាប្បកិរិយាធុញថប់ប៉ុណ្ណោះទេ លោកថែមទាំងលេងសើចជាមួយ ក្រុមអ្នកកាសែតថែមទៀតផង ដូចជាស្គាល់គ្នាជាយូរមកហើយយ៉ាងអញ្ចឹង។ កម្លោះសង្ហាសំណព្វចិត្តហ្វេនរូបនេះ បានងាកទៅចាប់ដៃ អ្នកកាសែតដែលនៅក្បែរនោះ ថែមបែរមុខសំដៅទៅកាន់ អ្នកថតរូបម្នាក់ដែលនៅខាងក្រោយលោក ដោយមិនភ្លេចលើកដៃ Hi5 ទៅកាន់កាមេរ៉ា ទុកជាការស្វាគមន៍។

គ្រប់ទង្វើរបស់ V គឺពោរពេញដោយស្នាមញញឹម និងក្ដីស្រលាញ់ ដែលវាបង្ហាញចេញឲ្យគ្រប់គ្នាបានឃើញយ៉ាងច្បាស់ ទោះបីជាលោកពាក់ម៉ាសបិទបាំងមុខជិតក៏ដោយ។

គួរបញ្ជាក់ផងដែរថា ដោយសារតែ V ជាមនុស្សរួសរាយរាក់ទាក់បែបនេះជាយូរមកហើយ ទើបលោកត្រូវបានគេដាក់រហ័សនាមថា កំពូលអ្នកយកចិត្តហ្វេន នៅក្នុងកម្មវិធី Fan Meeting នានា ហើយនោះគឺជាអត្តចរិតពិតរបស់ V ដែលសមាជិកក្នុងក្រុមធ្លាប់បានទម្លាយប្រាប់ជាញឹកញាប់៕

ទស្សនារូបភាព និងវីដេអូខាងក្រោម ៖ 

រូបភាព V
រូបភាព V
រូបភាព V
រូបភាព V
រូបភាព V
រូបភាព V

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]