រឿង «Hit and Run Squad» ប្រជុំដោយតារាសម្ដែងល្បីៗ ជាពិសេសសាច់រឿងកាន់តែជក់ចិត្តជាមួយនឹងការស៊ើបក្ដី និងឈុតវាយប្រហារ! (មានវីដេអូ)

ភ្នំពេញ៖ ឈុតឆាកបែបវាយប្រហារថ្មីនៅក្នុងខ្សែភាពយន្តពីប្រទេសកូរ៉េខាងត្បូង «Hit and Run Squad» នឹងនាំលោកអ្នកទៅកាន់ភាពយុត្តិធម៌នៅក្នុងសង្គមលាយឡំជាមួយនឹងឈុតឆាកប្រយុទ្ធ ថែមទាំងមានការប្រណាំងឡានយ៉ាងជក់ចិត្តដិតអារម្មណ៍ទៀតផង។ ដោយមានការចូលរួមសម្ដែងពីតារាសម្ដែងល្បីៗប្រចាំប្រទេសកូរ៉េខាងត្បូងដូចជាកញ្ញា Gong Hyo-jin ដែលបានសម្ដែងជាតួឯកនៅក្នុងរឿងភាគ “Master’s Sun” និងលោក Ryu Jun-yeol និងលោក Jo Jung-suk។ 

អ្វីដែលពិសេសជាងនេះទៀតនោះគឺមានវត្តមានរបស់ Key ដែលជាសមាជិកក្រុមតារាចម្រៀង K-Pop ដ៏ល្បីគឺ SHINee ផងដែរ។ ដោយឡែករឿង «Hit and Run Squad» នេះនិយាយអំពីការស៊ើបអង្កេតក្ដីរបស់ក្រុមប៉ូលីសនៅប្រទេសកូរ៉េទៅលើបុរសម្នាក់ឈ្មោះ Jung Jae-Cheol ដែលបានប្រព្រឹត្តអំពើល្មើសច្បាប់នៅក្នុងសង្គម ដែលធ្វើឲ្យមានការគំរាមគំហែង ចលាចល ជាពិសេសភាពអសន្តិសុខ។ អនុសេនីយ៍ឯកស្រី Eun Shi-Yeon (Gong Hyo-jin) បានរួមដៃសហការគ្នាជាមួយលោកប៉ូលីស Seo Min-Jae (Ryu Jun-yeol) ដើម្បីតាមស្វែងរកភស្តុតាងសម្រាប់ចាប់ខ្លួនជនល្មើសនេះ។ ប៉ុន្តែវាមិនមែនងាយស្រួលក្នុងការបំបែកក្ដីនេះទេ ឧបសគ្គ និងបញ្ហាច្រើននៅពីមុខពួកគេ។ 

តើក្រុមប៉ូលីសអាចស្វែងរកភស្តុតាង ហើយស្វែងរកភាពយុត្តិធម៌បានដែរទេ? ទាំងអស់នេះមាននៅក្នុងរឿង «Hit and Run Squad» ដែលមានចាក់បញ្ចាំងនៅក្នុងរោងភាពយន្តហើយ៕

ទស្សនា Trailer នៅទីនេះ

ដើម្បីទទួលបានព័ត៌មានលំអិតពីភាពយន្តនេះ និងព័ត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្ត អាចចូលទៅកាន់ចៃកុនតាមរយៈ
 www.cinema.com.kh 
ឬតាមប្រព័ន្ធបណ្តាញសង្គមដូចជា:
 www.facebook.com/JaiKon.Cambodia, 
www.youtube.com/JaiKonCambodia 
ហើយក៏អាច add ចៃកុនជាមិត្តក្នុងកម្មវិធី LINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និងរបស់ពីភាពយន្តជារៀងរាល់សប្តាហ៍។ 

• វីដេអូ