អង់គ្លេស៖ ក្លិប Liverpool បានយកឈ្នះ Ajax និង Bayern Munich ក្នុងការចុះកិច្ចសន្យានាំយកខ្សែការពារវ័យក្មេង Sapp Van den Berg របស់ហូឡង់។ កីឡាករវ័យ ១៧ឆ្នាំរូបនេះ នឹងត្រូវធ្វើតេស្តសុខភាពជាមួយ Liverpool នៅកីឡដ្ឋាន Anfield នៅថ្ងៃពុធនេះ មុននឹងធ្វើការចុះកិច្ចសន្យាផ្ទេរជាផ្លូវការនៅចុងសប្តាហ៍នេះ ជាមួយតម្លៃខ្លួនដែលត្រូវបានគេប៉ាន់ស្មានថា ប្រមាណជា ១,៧៩លានផោន (២,២៧លានដុល្លារអាមេរិក)។
ខ្សែការពារ Van den Berg បង្ហាញខ្លួនបាន ១៦ប្រកួតផងដែរជាមួយក្លិប Zwolle នៅលីគកំពូលហូឡង់ Eredivise មុននឹងត្រូវបានចាប់អារម្មណ៍ខ្លាំងពីក្លិបនានា ហើយចុងក្រោយរូបគេបានសម្រេចចិត្តទទួលសំណើពី Liverpool តែម្តង។
គួរបញ្ជាក់ថា ក្លិប Ajax និង Bayern Munich ក៏ត្រូវបានគេរាយការណ៍ថា បានចាប់អារម្មណ៍ខ្លាំងទៅលើកីឡាករវ័យក្មេងរូបនេះផងដែរ ខណៈដែលកីឡាករហូឡង់វ័យក្មេងរូបនេះ ត្រូវបានគេមើលឃើញថានឹងមានអនាគតភ្លឺថ្លាខ្លាំងជាងគេនាពេលខាងមុខ។ ដោយឡែកសេចក្តីរាយការណ៍មួយក៏បានទម្លាយថា កីឡាកររូបនេះធ្លាប់បានបដិសេធសំណើ ២,២៩លានផោនពីក្លិប Sampdoria ផងដែរ កាលពីខែមករាកន្លងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]