ផ្ទុះរឿងតារាប្រុសវ័យក្មេងនៅ GMM25 ក្រោយបង្ហោះរូបស៊ីអារម្មណ៍របស់តារាស្រីវ័យ ៣៧ឆ្នាំ Laphasrada ក្នុងអាងទឹក ធ្វើឲ្យអ្នកគាំទ្រសង្ស័យ.....

ថៃ៖ កាលពីពេលថ្មីៗនេះ នៅលើអ៊ីនស្តាក្រាមរបស់តារាបង្ហាញម៉ូតវ័យក្មេងលោក Poom Rungsrithananon ស្រាប់តែបានផុសរូបស៊ីអារម្មណ៍ក្នុងអាងទឹកមួយសន្លឹក ដែលជារូបរបស់តារាសម្តែងស្រីជើងចាស់ Laphasrada Chuaykua ដោយបានបង្កភាពភ្ញាក់ផ្អើល និងទាញការចាប់អារម្មណ៍យ៉ាងខ្លាំងពីសំណាក់ហ្វេនៗ។

ហើយក្រោយពេលរូបភាពមួយសន្លឹកនេះ បានបង្ហាញជាសាធារណៈ ក៏បានធ្វើឱ្យអ្នកគាំទ្រនាំគ្នាគិតថា តារាប្រុសស្រីទាំងពីរដួងនេះកំពុងតែមានទំនាក់ទំនងពិសេសជាមួយគ្នាជាមិនខាន ទើបខាងប្រុសហ៊ានផុសរូបបែបនេះ។

តែអ្វីដែលគួរឱ្យចាប់អារម្មណ៍ខ្លាំងជាងនេះទៅទៀតនោះ គឺតារាល្បីទាំងពីរដួងមានអាយុខុសគ្នាដល់ទៅ ១២ ឆ្នាំឯណោះ ដោយតារាសម្តែងស្រី Laphasrada Chuaykua មានអាយុ ៣៧ ឆ្នាំ ខណៈដែលលោក Poom Rungsrithananon តារាបង្ហាញម៉ូតប្រុសរូបសង្ហាប្រចាំនៅប៉ុស្តិ៍ GMM25 ទើបតែមានអាយុ ២៥ ឆ្នាំប៉ុណ្ណោះ។

គួរឱ្យដឹងផងដែរថា ទាក់ទងនឹងរឿងដែលកំពុងរសើបនេះ អ្នកទាំងពីរនៅមិនទាន់ចេញមុខមកបញ្ជាក់ថា កំពុងទាក់ទងគ្នាពិតប្រាកដ ឬយ៉ាងណានោះទេ។ តែទោះបីជាយ៉ាងនេះក្តី ក៏អ្នកគាំទ្រនៅតែចាប់អារម្មណ៍ និងគាំទ្រតារាទាំងពីរដួងនេះជានិច្ច៕

ទស្សនារូបភាពខាងក្រោម៖   

• ស្នេហា
• តារាថៃ