ថៃ៖ ប្រិយមិត្តប្រាកដជាបានជ្រាបរួចមកហើយថា គូស្នេហ៍ដ៏ផ្អែមល្ហែមរវាង អ្នកប្រដាល់រូបសង្ហាAntoine Pinto និងតារាសម្តែងស្រីChippy Sirin បានដើរដល់ផ្លូវបំបែកកាលពីពេលថ្មីៗនេះ។
ទៀតសោតរឿងនេះបានក្លាយជាប្រធានបទដ៏ក្តៅគគុកមួយ រហូតដល់តារាស្រីមួយចំនួនត្រូវបានអ្នកគាំទ្រសង្ស័យថា ជាអ្នកទី៣ដែលធ្វើពួកគេបែកគ្នាថែមទៀតផង។ក្រោយពីរឿងនេះកាន់តែរាលដាល លោកAntoine ដែលសាមីខ្លួន ទ្រាំមិនបានចេញមកនិយាយការពិតតែម្តង។
ដោយនៅពេលរសៀលថ្ងៃទី២០ ខែមិថុនានេះ Antoineបានផុសពាក្យសុំទោសទៅកាន់Chippy និងអ្នកទាំងអស់គ្នា ដោយភ្ជាប់ជាមួយសំណេរវែងមួយនៅក្នុងគណនីអ៊ីនស្តារក្រាមផ្ទាល់ខ្លួនយ៉ាងដូច្នោះថា៖
«សុំទោសសម្រាប់ពេលកន្លងមក ដែលមានព័ត៌មានមិនល្អទៅពាក់ព័ន្ធលើមនុស្សជាច្រើន ហើយត្រូវជួបរឿងបែបនេះដោយសារខ្ញុំុ។ ខ្ញុំនឹងទទួលខុសត្រូវគ្រប់រឿងដែលបានកើតឡើងទាំងអស់។
ហេតុផលដែលខ្ញុំបែកគ្នាជាមួយ Chippy តាមពិតទៅមានបញ្ហាជាច្រើន និងមានរឿងមួយចំនួនកើតចេញពីខ្ញុំ ទើបធ្វើឲ្យក្តីស្រលាញ់របស់ពួកយើងមិនដូចដើម។ ខ្ញុំទទួលស្គាល់ថាខ្ញុំជាអ្នកក្បត់ចិត្តនាង និងមិនឲ្យតម្លៃ ទាំងដែលនាងបានបំពេញតួនាទីជាមិត្តស្រីបានយ៉ាងល្អបំផុត។ នៅមានរឿងជាច្រើនទៀត ដែលខ្ញុំបានធ្វើឲ្យ Chippy ពិបាកចិត្ត ប៉ុន្តែខ្ញុំនៅតែនិយាយដដែលៗថា ខ្ញុំមិនបានទៅលួចមានអ្នកថ្មី នៅខណៈពេលដែលខ្ញុំនិង Chippy នៅមានឈ្មោះជាសង្សារនឹងគ្នានោះទេ។
គ្រប់យ៉ាងកើតឡើងដោយរឿងអចេតនា និងជាកំហុសរបស់ខ្ញុំដែលមិនអាចរក្សាទំនាក់ទំនងស្នេហានេះបាន។ សុំទោស Chippy សម្រាប់គ្រប់យ៉ាង និងរឿងកន្លងមកដែលខ្ញុំធ្លាប់ធ្វើឲ្យស្រក់ទឹកភ្នែក»។
ដោយឡែកក្រោយពីបានឃើញ Antoine ផុសបែបនេះ មានមិត្តរួមសិល្បៈជាច្រើននាក់បានចូលទៅComment លើកទឹកចិត្ត និងសរសើរដែលលោកបានចេញមកទម្លាយការពិត ឲ្យគ្រប់គ្នាបានដឹងកាន់តែច្បាស់៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]