បរទេស៖ អតីតប្រធានសហព័ន្ធបាល់ទាត់អឺរ៉ុប UEFA លោក Michel Platini ត្រូវបានចាប់ខ្លួន ពាក់ព័ន្ធនឹងការប្រគល់សិទ្ធិឱ្យប្រទេសកាតា ធ្វើជាម្ចាស់ផ្ទះពានរង្វាន់បាល់ទាត់ FIFA World Cup ២០២២។ អតីតវីរបុរសបាល់ទាត់របស់បារាំងរូបនេះ ត្រូវបានគេបោះឆ្នោតតែងតាំងជាប្រធាន UEFA នាឆ្នាំ ២០០៧ មុននឹងត្រូវបានហាមឃាត់ដោយគណៈកម្មការវិន័យរបស់ FIFA មិនឱ្យពាក់ព័ន្ធជាមួយសកម្មភាពបាល់ទាត់ទាំងអស់នាឆ្នាំ ២០១៥។
សារព័ត៌មាន MediaPart របស់បារាំងបានអះអាងថា លោក Platini ត្រូវបានគេឃាត់ និងឃុំខ្លួនជាបណ្តោះអាសន្នកាលពីព្រឹកថ្ងៃអង្គារនេះ ដែលនេះជាផ្នែកមួយនៃការស៊ើបអង្កេតពាក់ព័ន្ធនឹងភាពពុករលួយ ក្នុងការប្រគល់សិទ្ធិជាម្ចាស់ផ្ទះឱ្យប្រទេសកាតា រៀបចំពានរង្វាន់ FIFA World Cup នាឆ្នាំ ២០២២។ លើសពីនេះទៅទៀត លោក Platini ក៏នឹងត្រូវត្រៀមបញ្ជូនខ្លួនទៅកាន់ការិយាល័យប្រឆាំងអំពើពុករលួយនៃនគរបាលយុត្តិធម៌ (OCLCIFF) ដើម្បីសាកសួរផងដែរ។
គួរបញ្ជាក់ថា កាលពី ខែធ្នូ ឆ្នាំ ២០១០ កន្លងទៅ ប្រទេសកាតា ត្រូវបានគេប្រគល់សិទ្ធិធ្វើជាម្ចាស់ផ្ទះរៀបចំព្រឹត្តិការណ៍បាល់ទាត់ពិភពលោក នៅឆ្នាំ ២០២២ បន្ទាប់ពីរុស្ស៊ី ដែលធ្វើជាម្ចាស់ផ្ទះនាឆ្នាំ ២០១៨៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
