អង់គ្លេស៖ Pogba បានបង្ហើបឲ្យដឹងអំពីបំណងរបស់ខ្លួនក្នុងការចាកចេញពី Manchester United ដើម្បីស្វែករកការប្រកួតប្រជែងថ្មីកាលពីថ្ងៃអាទិត្យម្សិលមិញនេះ។ ប៉ុន្ដែការសែត Evening Standard បានអះអាងថា Pogba នៅតែបន្តលេងជាកីឡាកររបស់ Man Utd នារដូវកាលក្រោយ។
ការសែតក្នុងទីក្រុងឡុងដ៍មួយនេះបានពន្យល់ថា ប្រធានក្លឹប Manchester United លោក Ed Woodward បានសម្រេចចិត្តបន្តរក្សាទុកកីឡករដែលមានតម្លៃខ្លួនថ្លៃជាងគេនៅក្នុងក្លឹប ព្រមទាំងរំពឹងថាគេនឹងត្រលប់មកចូលរួមហ្វឹកហាត់ជាមួយក្លឹបដើម្បីការប្រកួត Pre-season នាខែក្រោយ។
យ៉ាងណាមិញ គ្រូបង្វឹក Manchester United លោក Gunnar Solskjae មិនចង់រក្សាទុកខ្សែបម្រើរូបនេះនោះទេ បើសិនជាគេមិនសប្បាយចិត្តរួមរស់ជាមួយនឹងក្លឹប។ ប៉ុន្តែបើសិនជា Manchester United យល់ព្រមឲ្យរូបគេចាកចេញមែននោះ កាសែត Evening Standard បានព្យាករណ៍ថារូបគេនឹងទទួលបានតម្លៃខ្លួន ១៣០លានផោន (១៤៥លានអឺរ៉ូ)។
យ៉ាងនេះក៏ដោយ កីឡាករខ្សែបម្រើវ័យ ២៦ឆ្នាំរូបនេះត្រូវបានគេដឹងថាមានទំនាក់ទំនង់យ៉ាងស្អិតរមួតជាមួយនឹងការចូលរួមជាមួយលោក Zinedine Zidane នៅ Real Madrid និងក្លឹបចាស់របស់ខ្លួន Juventus៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]