រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច មានកម្មករសំណង់ម្នាក់ត្រូវបានផ្ទាំងបេតុងវេរ៉ង់ដាបាក់សង្កត់ពីលើជនរងគ្រោះ បណ្តាលឱ្យស្លាប់ភ្លាមៗនៅនឹងកន្លែងកើតហេតុ ខណៈពួកគាត់កំពុងតែនាំគ្នាវាយជួសជុលសំណង់មួយកន្លែង បង្កឱ្យមានការភ្ញាក់ផ្អើលកាលពីម៉ោង៨និង១៥នាទីព្រឹក ថ្ងៃទី១០ ខែមិថុនា ឆ្នាំ២០១៩ ចំណុចអគារជួសជុលមួយកន្លែងតាមផ្លូវជាតិលេខ៥ ស្ថិតក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ ។
សេចក្តីរាយការណ៍បន្តថា ជនរងគ្រោះខាងលើឈ្មោះ រ៉ន ឃុម អាយុ២៩ឆ្នាំ មានស្រុកកំណើតខេត្តកំពង់ធំ ចំណែកសំណង់ផ្ទាំងបេតុងវេរ៉ង់ដា រួមទាំងធ្នឹម ប្រវែងប្រមាណជា១០ម៉ែត្រគុណនឹង១ម៉ែត្របានបាក់ពីជាន់ទី២ មកជាន់ទី១ សង្កត់ពីលើជនរងគ្រោះតែម្តង។
សេចក្តីរាយការណ៍បន្តទៀតថា មុនពេលកើតហេតុ គឺជនរងគ្រោះ រួមជាមួយកម្មករសំណង់ផ្សេងទៀតបាននាំគ្នាវាយ និងជួសជុលផ្ទះសំណង់កើតហេតុខាងលើនេះ ខណៈពេលពួកគាត់កំពុងតែជួសជុសនោះ ស្រាប់តែផ្ទាំងបេតុងវេរ៉ង់ដានៅជាន់ទី២ ធ្លាក់ចុះមកជាន់ទី១ សង្កត់ពីលើជនរងគ្រោះ បណ្តាលឱ្យស្លាប់ភ្លាមៗនៅនឹងកន្លែងកើតហេតុយ៉ាងរន្ធត់ ។
មិនត្រឹមប៉ុណ្ណោះ ក្នុងហេតុការណ៍បាក់ផ្ទាំងបេតុងវេរ៉ង់ដាខាងលើនេះ បានបណ្តាលឱ្យបំណែកបេតុងខ្ទាតត្រូវចំដំបូលស័ង្កសីផ្ទះប្រជាពលរដ្ឋនៅខាងផ្នែកក្រោយសំណង់នោះ រងការខូចខាតផងដែរ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
