ស្រីៗភាគច្រើនឆ្ងល់ កំពុងបំបៅដោះកូន អាចមានកូនបានអត់ គួរធ្វើយ៉ាងណាបានមានកូនទៀត ព្រោះកំពុងបំបៅដោះ ស្ត្រីជាម្ដាយអត់មានរដូវ ឬរដូវមិនទៀង? ត្រង់នេះ “Hello គ្រូពេទ្យ” នឹងបកស្រាយឲ្យបានដឹង។
១- គន្លឹះបង្កើនឱកាសមានផ្ទៃពោះ ពេលបំបៅដោះកូន
– បើអូនៗមានអាយុកាន់តែច្រើនបន្តិចហើយ សូមផ្ដល់អាហារបន្ថែមឲ្យកូន ដើម្បីកាត់បន្ថយតម្រូវការទឹកដោះ។ ម៉ាក់ៗត្រូវចាំថា នេះជាដំណាក់កាលផ្ដាច់ដោះ សូមព្យាយាមកុំឲ្យមានអារម្មណ៍តានតឹង អាចបណ្ដាលឲ្យមានផលប៉ះពាល់ដល់វដ្ដរដូវយើង។ សូមព្យាយាមបំបៅដោះយ៉ាងហោចណាស់ ៦ ម៉ោងម្តង ក្នុងពេលយប់ ដើម្បីឲ្យរាងកាយបន្ថយការផលិតទឹកដោះ។
– បំបៅទឹកដោះគោម្សៅជំនួស។
– ញ៉ាំអាហារមានជីវជាតិឲ្យបានច្រើន រឹតតែជួយបង្កើនឱកាសមានកូន ព្រោះតាមរយៈអាហារជីវជាតិ នឹងជួយបង្កើនការផលិតអ័រម៉ូនស្តេរ៉ូអ៊ីត (Steroid) ក្នុងអូវែ ព្រមទាំងបង្កើនកម្រិតអ័រម៉ូនអឺសស្ត្រូហ្សែន ជំរុញកោសិកាខ្លាញ់ នាំអាំងសុយលីនឲ្យកើនឡើងទៅកម្រិតធម្មតាវិញ។
២- ត្រៀមខ្លួនពពោះនាពេលខាងមុខ
– វីតាមីនផ្ដល់មុនពេលមានផ្ទៃពោះ ជួយដល់រាងកាយត្រៀមជាស្រេចដើម្បីផលិតទឹកដោះក្រោយពេលសម្រាល។ ប្រព័ន្ធរាងកាយ ត្រូវការអាស៊ីដហ្វូលីក (Folicacid) ចន្លោះពី ៨០០ មីក្រូក្រាម ទៅ ឬ ០,៨ មិលី្លក្រាម/ថ្ងៃ ដើម្បីចៀសវាងពិការលើដំណើរការលូតលាស់សរសៃប្រសាទ។
– ជាតិទឹកសំខាន់ណាស់សម្រាប់ស្រីៗបំបៅដោះកូនផង និងអំឡុងពេលមានផ្ទៃពោះផង។ អំឡុងពេលនេះ ស្រីៗត្រូវការទឹកយ៉ាងហោចណាស់ ២-៣ លីត្រ សម្រាប់ការផលិតទឹកដោះ និង ៣-៤ លីត្រសម្រាប់ទ្រទ្រង់សុខភាពគភ៌។
– ទម្លាប់រស់នៅប្រកបដោយសុខភាព របបអាហារមានតុល្យភាពល្អ លំហាត់ប្រាណត្រឹមត្រូវ គ្មានអារម្មណ៍តានតឹង ជួយស្រីមានគភ៌អំឡុងពេលបំបៅដោះកូន រស់នៅកាន់តែមានផាសុកភាព។
– សូមពិនិត្យសុដន់ និងពិនិត្យកោសិកាមាត់ស្បូន ១ ឆ្នាំម្ដង ដើម្បីធ្វើប្រាកដថា យើងមិនមានហានិភ័យជំងឺមហារីកសុដន់ និងមាត់ស្បូន មុនពេលមានកូនម្នាក់ទៀត។
៣- បំបៅកូនអំឡុងពេលមានផ្ទៃពោះ មានសុវត្ថិភាពអត់?
ស្រីៗជាច្រើនបារម្ភពីបញ្ហានេះ បំបៅកូនដោយទឹកដោះអាចនាំឲ្យមានការកន្ត្រាក់ស្បូនស្រាលៗ។ យ៉ាងណា ការកន្ត្រាក់នេះមិនបង្កជាបញ្ហាដែលអាចបណ្ដាលឲ្យកូនកើតមិនគ្រប់ខែនោះទេ វាកើតឡើងដោយសារតែអ័រម៉ូនអុកស៊ីតូស៊ីន (Oxytocin) បានបញ្ចេញពេលបំបៅដោះប៉ុណ្ណោះ ហើយការកន្ត្រាក់បែបនេះមិនបង្កគ្រោះថ្នាក់ដល់ទារកនោះដែរ សូមកុំបារម្ភ។ ទោះជាការបំបៅដោះកូនពេលមានផ្ទៃពោះ ចាត់ទុកថាមានសុវត្ថិភាពពិតមែន ប៉ុន្តែមានករណីមួយចំនួនដូចខាងក្រោមតម្រូវឲ្យម៉ាក់ៗឈប់បំបៅដោះភ្លាមដូចជា៖
– បើប្រឈមហានិភ័យខ្ពស់កើតកូនមិនគ្រប់ខែ
– មានកូនភ្លោះ
– ពេទ្យណែនាំឱ្យចៀសវាងការរួមភេទពេលមានផ្ទៃពោះ
– ឈឺចាប់ស្បូន ឬហូរឈាមចេញពីទ្វារមាស
បើអ្នកមានរោគសញ្ញាទាំងនេះ សូមពិភាក្សាជាមួយគ្រូពេទ្យជាបន្ទាន់។
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]