រាជធានីភ្នំពេញ ៖ ស្ដ្រី៣នាក់សុទ្ឋតែស្រវឹងដូចៗគា្ន បានជិះម៉ូតូដួលបណ្ដាលឱ្យរងរបួស និងសន្លប់បាត់ស្មារតីកាលពីវេលាម៉ោង៧និង៥០នាទីយប់ថ្ងៃទី១ មករា ២០១២ នៅត្រង់ចំណុចព្រហ្មមុខបួនក្នុងសង្កាត់ភ្នំពេញថ្មី ខណ្ឌសែនសុខ។
ព័ត៌មានពីអ្នកឃើញហេតុការណ៍បានឱ្យដឹងថា មុនពេលកើតហេតុគេឃើញ ស្ត្រី៣នាក់ជិះម៉ូតូម៉ាកហ្វីណូ ពណ៌ខ្មៅ ក្នុងទិសដៅពីត្បូងទៅជើងតាមបណ្ដោយផ្លូវលំដែលសុទ្ធតែជង្ហុក។ លុះមកដល់ចំណុចកើតហេតុ ស្រាប់តែជិះគេចជង្ហុកដួលម៉ូតូប្រាវតែម្ដង បណ្ដាលឱ្យស្ដ្រី៣នាក់ដែលជិះម៉ូតូរងរបួសសន្លប់បាត់ស្មារតីទាំងអស់គ្នាតែម្ដង។ ព័ត៌មានឱ្យដឹងទៀតថា ស្ដ្រីទាំង៣នាក់ខាងលើនេះទំនងជាចេញពីកន្លែងផឹកទឹកត្នោតជូរ ហើយស្រវឹងក៏បើកម៉ូតូលឿន បណ្ដាលឱ្យដួល ព្រោះតែជង្ហុកគេចក៏មិនផុតនោះ។
ស្ត្រីរងគ្រោះទាំង៣នាក់ត្រូវបានរថយន្តសាមុយដឹកទៅសង្គ្រោះនៅគ្លីនិកឯកជនមួយក្នុងខណ្ឌទួលគោក ។ ចំពោះម៉ូតូត្រូវបានប៉ូលិសយកទៅរក្សាទុកឱ្យនៅអធិការដ្ឋានខណ្ឌសែនសុខ ៕
ដកស្រង់ពីកោះសន្តិភាព
ទឺកឆ្នោតជូរក៏ជាសុរាដែរ បើដឹងថានឹងបើកបរដែរ មិនគួរផឹកអោយស្រវឹងដល់ថ្នាក់នោះទេ។ រដ្ឋាភិបាលបានតំរូវ អោយក្រុមហ៊ុនស្រាបៀមានសារបម្រាមមិនអោយបើកបរពេលស្រវឹងក្នុង ស្ពត់ពាណិជ្ជកម្ម ក្នុងករណីនេះទឺកឆ្នោត ជូរក៏គួរមានសារបម្រាមដែរ។
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]