អាហ្សេបៃហ្សង់៖ តាមរយៈវីដេអូខ្លីមួយបានបង្ហាញពីសកម្មភាពរបស់អ្នកគាំទ្រក្រុម Arsenal ចំនួន ២នាក់ ត្រូវបានប៉ូលិសនៅទីក្រុង បាគូ ធ្វើការហៅសួរនាំដោយសារតែពាក់អាវរបស់ក្លិបកាំភ្លើងធំដែលមានឈ្មោះរបស់កីឡាករ Mkhitaryan។ គួរឱ្យដឹងថា កីឡាករ Mkhitaryan មិនបានរួមដំណើរជាមួយក្លិប Arsenal ដើម្បីចូលរួមវគ្គផ្តាច់ព្រ័ត្រនាទីក្រុង បាគូ “Baku” ឡើយ ដោយសារតែបារម្ភពីបញ្ហាសុវត្ថិភាពផ្ទាល់ខ្លួន បើទោះបីជា UEFA ក៏ដូចជាសហព័ន្ធបាល់ទាត់អាហ្សេបៃហ្សង់ ធានាទៅលើបញ្ហាសុវត្ថិភាពរបស់គេយ៉ាងណាក្តី។
វីដេអូខ្លីនោះបានបង្ហាញថា មានបុរស ២នាក់បានពាក់អាវ Arsenal ដែលមានឈ្មោះរបស់ Mkhitaryan ហើយត្រូវបានប៉ូលិសម្នាក់ឃាត់ខ្លួន និងបានណែនាំខ្លះៗទៅកាន់បុរសទាំងពីរនាក់ខាងលើ មុននឹងអនុញ្ញាតឱ្យបន្តដំណើរធម្មតា។ គួរបញ្ជាក់ឱ្យដឹងថា កីឡាករម្ចាស់អាវលេខ ៧ របស់ Arsenal គឺជាជនជាតិអាមេនី (Armenia) ហើយទំនាក់ទំនងនយោបាយរវាងប្រទេសទាំងពីរ ត្រូវបានកាត់ផ្តាច់ពីគ្នាតាំងពីឆ្នាំ ១៩៤៩ ហើយប្រជាជនប្រទេសទាំងពីរក៏មិនអាចចេញចូលទឹកដីគ្នាដោយងាយស្រួលដែរ៕
សូមទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]