អាល្លឺម៉ង់៖ ក្លិប Bayern Munich បានកំណត់គោលដៅធំ ទៅលើកីឡាករមួយរូបរបស់ក្លិប Manchester City គឺកីឡាករ Leroy Sane ដោយក្លិបជើងឯកលីគកំពូលរបស់អាល្លឺម៉ង់មួយនេះ បានត្រៀមកញ្ចប់លុយចំនួន ៧០លានផោនរួចជាស្រេចដើម្បីចរចា។
ក្លិប Bayern Munich ដែលទើបតែគ្រងជើងឯកលីគកំពូលអាល្លឺម៉ង់ថ្មីៗនេះ កំពុងតែស្វែងរកកម្លាំងបន្ថែមសម្រាប់រដូវកាលក្រោយ បន្ទាប់ពីកីឡាករឆ្នើមពីររូបគឺ Arjen Robben និង Frank Ribery បានប្រកាសចាកចេញពីក្លិប ក្រោយចប់រដូវកាល ២០១៨/២០១៩។ ក្លិបជើងឯកអាល្លឺម៉ង់មួយនេះ បានចំណាយលុយជាង ១០០លានផោនរួចទៅហើយ សម្រាប់ការនាំយកកីឡាករថ្មីបន្ថែមចំនួន ២រូបនារដូវកាលក្រោយរួមមាន ខ្សែការពារ Lucas Hernandez និង Benjamin Pavard ខណៈដែលលោក Hoeness ជាប្រធានក្លិបបានបញ្ជាក់ពីដំណើរការនៃការចរចានាំយកកីឡាករ Leroy Sane មកចូលរួមផងដែរ។
លោក Fabrizio Romano ជាអ្នកសារព័ត៌មានរបស់ Sky Sport Italia បានអះអាងថា ក្លិបបាល់ទាត់ Bayern Munich បានត្រៀមរួចរាល់ហើយសម្រាប់ការដាក់សំណើចំនួន ៧០លានផោន សម្រាប់ការចរចាជាមួយ Manchester City។ យ៉ាងណាមិញ Bayern Munich អាចនឹងតម្លើងថ្លៃខ្ពស់ជាងនេះទៅទៀតដើម្បីប្រមាញ់យក Sane ដោយរង់ចាំមើលទៅលើស្ថានភាពជាក់ស្តែងបន្តទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
