ភូមា៖ ថ្មីៗនេះ មានរឿងដ៏គួរឲ្យចាប់អារម្មណ៍មួយនៅលើបណ្តាញសង្គម នៅពេលដែលឃើញគណនីហ្វេសប៊ុកមួយ បង្ហោះចែកចាយរូបភាព របស់តារាស្រីដ៏ល្បីជនជាតិភូមាម្នាក់ សុខចិត្តបោះបង់ជីវិតឡូយឆាយ និងកេរ្តិ៍ឈ្មោះរបស់ខ្លួន ហើយមកកោរសក់ធ្វើជាដូនជី ដើម្បីបម្រើព្រះពុទ្ធសាសនា។
ក្នុងនោះដែរ ប្រភពបន្ថែមបានឲ្យដឹងទៀតថា តារាស្រីរូបនោះមានឈ្មោះ Soe Pyae Thazin ដែលរូបនាងគឺជាតារាសម្តែង តារាម៉ូដែល និងជាតារាចម្រៀងដ៏មានប្រជាប្រិយភាពមួយរូប នៅក្នុងប្រទេសភូមា។ ហើយគោលបំណងរបស់នាង ក្នុងការបួសធ្វើជាដូនជីនេះដែរ គឺដើម្បីទទួលយកជីវិតសាមញ្ញ និងបន្សុទ្ធគំនិតដោយធ្វើតាមការបង្រៀនរបស់ព្រពុទ្ធដើម្បីឈានដល់គោលដៅនៃជីវិត តាមអ្វីដែលនាងចង់បាន។
ទោះជាយ៉ាងណាក្តី ផ្អែមតាមប្រភពអ្នកចែកចាយរូបរបស់តារាស្រីរូបនេះ គេមិនទាន់ដឹងនៅឡើយទេថា នាងនឹងបួសធ្វើជាដូនជីរយៈពេលយូរប៉ុណ្ណានោះទេ ក៏ប៉ុន្តែក្រោយពីឃើញបែបនេះ នាង Soe Pyae Thazin បានទទួលការសរសើរមិនដាច់ពីមាត់ ពីសំណាក់អ្នកលេងបណ្តាញសង្គម អំពីទឹកចិត្តដ៏ជ្រះថ្លា សុខចិត្តបោះបង់ជីវិតស៊ីវីល័យ មកបួសជាដូនជីបែបនេះ ហើយនៅពេលនេះ រូបភាពរបស់នាង ក៏កំពុងតែទទួលបានការចែកចាយយ៉ាងច្រើន នៅលើបណ្តាញសង្គមផងដែរ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]