ក្រោយរៀបការជាង៤ខែ ពេលនេះភរិយា Tack Pharunyoo បានសម្រាលកូនហើយ

ថៃ៖ ដូចដែលប្រិយមិត្តបានជ្រាបហើយថា តារាសម្ដែង លោក Tack Pharunyoo និងភរិយាជាទីស្រលាញ់របស់លោក បានជ្រុលជ្រួសជាមួយគ្នា រហូតបណ្ដាលឲ្យមានផ្ទៃពោះ៥ខែ ទើបអ្នកទាំងពីរបានសម្រេចដឹកដៃគ្នារៀបការ កាលពីនាដើមឆ្នាំនេះផងដែរ។

ហើយបើគិតមកទល់នឹងថ្ងៃនេះ គឺថាមានរយៈពេលជាង៤ខែហើយ ដែលតារាប្រុស លោក Tack Pharunyoo និងភរិយាបានរៀបការនឹងគ្នា។ ហើយនាថ្ងៃម្សិលមិញនេះដែរ អ្វីដែលគួរឲ្យរំភើបចិត្តនោះ គឺកូនប្រុសបណ្ដូលចិត្តរបស់អ្នកទាំងពីរ ក៏បានបង្ហាញមុខដ៏គួរឲ្យក្នាញ់ឲ្យប៉ាម៉ាក់គេបានឃើញជាលើកដំបូងផងដែរ ក្រោយការរង់ចាំជួបមុខកូនជាយូរខែមកនេះ។

ទន្ទឹមជាមួយគ្នានេះដែរ ក៏មានមហាជនជាច្រើន បានចូលរួមសម្ដែងការអបអរសាទរដល់តារាសម្ដែង លោក Tack Pharunyoo និងភរិយា ដែលទទួលបានកូនប្រុសច្បងម្នាក់ ចូលមកក្នុងក្រុមគ្រួសារ ដែលរឹតតែធ្វើឲ្យគ្រួសារតូចមួយនេះ កាន់តែពេញលេញឈ្មោះជាគ្រួសារមួយនឹងគេផងដែរ៕

ចង់ជ្រាបច្បាស់ សូមទស្សនារូបភាពខាងក្រោម៖ 

• តារាថៃ