រាជធានីភ្នំពេញ ៖ នារីវ័យក្មេងជាជនជាតិចិនដែលមានសម្រស់ស្រស់ស្អាតម្នាក់ បានប៉ុនប៉ងធ្វើអត្តឃាត ដោយលេបថ្នាំងងុយដេកប្រភេទ៤កំណាត់អស់ជាច្រើនគ្រាប់ចូលទៅក្នុងពោះ និង ជាច្រើនគ្រាប់ទៀតធ្លាក់នៅលើដី។
ក្រោយពីគេបាន ឃើញនាងបាចុះពីឡាំប្រឺតាមួយគ្រឿងមិនដឹងជាមកពីទីណា មកអង្គុយនិយាយទូរស័ព្ទនៅខាងមុខកន្លែងលក់ថ្នាំពេទ្យមួយកន្លែង និងយកថ្នាំពីក្នុងកាបូបស្ពាយមកលេប ធ្វើឲ្យទន់ខ្លួនល្មើយទៅហើយ ត្រូវបានបុរសជនជាតិចិនដូចគ្នាចំនួនពី៣ ទៅ ៤នាក់ បានជិះរថយន្តស៊េរីទំនើប មួយគ្រឿងមកដឹកយកទៅសង្គ្រោះបាត់។
ហេតុការណ៍នេះដែរបានបង្កការភ្ញាក់ផ្អើលកាលពីវេលាម៉ោង៤ និង ៣០នាទីល្ងាច ថ្ងៃទី២១ ខែឧសភា ឆ្នាំ២០១៩នេះ នៅចំណុចខាងមុខឱសថស្ថានយីហោ យូឃែរ ផ្ទះលេខ១៧ ផ្លូវព្រះសុធារស ក្នុងសង្កាត់ទន្លេបាសាក់ ខណ្ឌចំការមន។
តាមប្រពភពីបុរសជាសន្តិសុខម្នាក់បានប្រាប់ឱ្យដឹងថា មុនពេលកើតហេតុ រូបគាត់បានឃើញនារីជនជាតិចិនវ័យក្មេងម្នាក់ ដែលមានអាយុប្រមាណជាជាង២០ឆ្នាំ ដោយមានពាក់អាវដៃវែងពណ៌ស និងស្លៀកខោខូវប៊យជើងខ្លី និងមានកាន់កាបូបដៃ ពណ៌ខ្មៅមួយជាប់នឹងដៃ បានជិះឡាំប្រឺតាមួយគ្រឿងមកឈប់ខាងមុខកន្លែងលក់ថ្នាំពេទ្យខាងលើ។
ពេលនាងចុះពីឡាំប្រឺតាមួយគ្រឿងនោះ រួចហើយ នាងក៏បានមកអង្គុយនៅលើកៅអីមួយនៅខាងមុខហាងលក់ថ្នាំពេទ្យនេះ ដោយ មានទឹកមុខស្រពាប់ស្រពោនយ៉ាងខ្លាំង ហើយបាននិយាយទូរស័ព្ទជាមួយនឹងមនុស្សដទៃទៀតជាភាសាចិន និង ទំនងជាមួយជនជាតិចិនដូចគ្នា។
តាមប្រភពដដែលបានប្រាប់បន្តទៀតថា ក្រោយពីនារីវ័យក្មេងជាជនជាតិចិនម្នាក់ ខាងលើបាននិយាយទូរស័ព្ទយ៉ាងយូរហាក់បីដូចជាមានការឈ្លោះប្រកែកជាមួយនឹងអ្នកណាម្នាក់ ហើយបាន ដាក់ទូរស័ព្ទឈប់និយាយនោះ នាងក៏បានយកថ្នាំពីក្នុងកាបូបដៃរបស់នាងដោយគាត់មិនបានដឹង និង ស្គាល់ថាជាថ្នាំអ្វីឡើយ មកលេបចូលទៅក្នុងពោះ ជាច្រើនគ្រាប់តែម្តង។
លុះមួយសន្ទុះក្រោយមកខ្លួននាងក៏មានសភាពទន់ទៅៗ ដោយខ្លាចក្រែងនាងគ្រោះថ្នាក់ដល់ជីវិត នោះ ក៏បាននាំគ្នារត់ទៅរាយការណ៍ប្រាប់កម្លាំងមានសម្ថកិច្ច ដែលកំពុងតែធ្វើការល្បាតនៅក្បែរនោះឲ្យដឹងពី រឿងនេះឲ្យចុះមកដល់កន្លែងកើតហេតុខាងលើ និងបានឃើញប្រភេទថ្នាំងងុយដេក៤កំណាត់ធ្លាក់ពេញដីផងដែរ។ ពេលដែលកម្លាំងមានសម្ថកិច្ចបានមកដល់ ឃើញនារីវ័យក្មេងជាជនជាតិម្នាក់ខាងលើមានសភាពខ្លួនទន់បែប មិនស្រួល និងខ្លាចក្រែងស្លាបប់នោះ។
ក៏បានទាក់ទងហៅរថយន្តសាមុយមកឲ្យដឹកយកទៅសង្គ្រោះ តែរថយន្តមិនទាន់នឹងមកដល់ផងនោះ ក៏ស្រាប់តែគេបានឃើញមានរថយន្តស៊េរីទំនើបមួយគ្រឿង ពណ៌ខ្មៅ ពាក់ស្លាលេខ ភ្នំពេញ ២AZ-២៣៧០ ដោយមានបុរសជាជនជាតិចិនដូចគ្នាចំនួនពី ៣ទៅ ៤នាក់ បើកមកដឹកពីកន្លែងខាងលើយកទៅកាន់មន្ទីរពេទ្យបាត់ទៅ។
ពាក់ព័ន្ធទៅនឹងករណី នារីវ័យក្មេងជនជាតិចិនដែលមានសម្រស់ស្រស់ស្អាតម្នាក់ខាងលើប៉ុនប៉ងធ្វើអត្តឃាត ដោយលេបថ្នាំខាងលើនេះដែរ គឺមិនមានអ្នកណាម្នាក់បានដឹងថារូបនាងមានបញ្ហាអ្វី ឬក៏ឈ្លោះប្រកែកជាមួយនឹង អ្នកណាម្នាក់ដែរព្រោះថានាងជាជនជាតិចិន ហើយពេលនិយាយទូរស័ព្ទនោះក៏មិនមានអ្នកណាម្នាក់ចេះស្តាប់ដែរ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]