ឈឺកជើង ឬឈឺសន្លាក់ឆ្អឹង-កជើងសំដៅលើការឈឺចាប់គ្រប់ផ្នែកក្នុងរង្វង់កជើង ទាំងសរសៃ ទាំងឆ្អឹង រហូតឈឺ ទ្រាំឈរ ឬដើរមិនបាន ទោះជាពេលខ្លះ មើលទៅឃើញហើម ឬអត់ក៏ដោយ។ តើមូលហេតុអីខ្លះ ដែលធ្វើឲ្យ-កជើងយើងឈឺ ហើយដោះស្រាយយ៉ាងម៉េច?
១-មូលហេតុអ្វីបានជាឈឺកជើង?
ជាទូទៅអាការឈឺកជើងគឺដោយសារការរងរបួសជុំវិញកជើងរួមទាំងឆ្អឹង សរសៃពួរសាច់ដុំកែងជើង ឬសរសៃភ្ជាប់សន្លាក់ឆ្អឹង។ គ្នាយើងជាពិសេសប្រុសៗដែលចូលចិត្តលេងកីឡា ឬលេងបាល់ ទាំងបាល់ទាត់ បាល់ទះ អាចមានការឈឺចុកចាប់ខ្លាំងពេលជួបស្ថានភាពដូចខាងក្រោមនេះ៖
-កជើងមិនរឹងមាំ
-ប្រគ្រីវ
-រហែកសរសៃពួរកែងជើង
-បាក់ឆ្អឹងឬថ្លោះកជើង
-ខូចសរសៃប្រសាទជុំវិញកជើងដូចជា(tarsal tunnel syndrome)
-ឆ្លងរោគបណ្ដាលមកពីវីរុស ឬបាក់តេរីនៅត្រង់កជើង
-ខ្សោយទម្រង់កជើង
-ជំងឺរលាកសន្លាក់។
២-ឈឺចុក-កជើង អាចបណ្ដាលមកពីបញ្ហាសន្លាក់
-រលាកសន្លាក់
-រលាកសន្លាក់ឆ្អឹង
-រលាកសន្លាក់ដោយជំងឺ Psoriasis
-រលាកសន្លាក់រ៉ាំរ៉ៃ
-ជំងឺរលាកសន្លាក់ដោយសារមេរោគ។
៣-វិធីដោះស្រាយ
ជួយប្រាប់គ្នាយើងផងបើឈឺចាប់កជើងបណ្ដាលមកពីរបួស មិនបាច់ចាំមករកពេទ្យទេ នៅផ្ទះក៏អាចព្យាបាលភ្លាមៗបានដែរ។ វិធីទាំងនេះមាន៖
-គួរផ្អាក ឬកុំធ្វើចលនាដើរចុះឡើងអំឡុងពេលកជើងមានរបួស
-ធ្វើចលនាឬទៅណាមកណា គួរប្រើឈើច្រត់ជំនួយ
-ប្រើទឹកកកដាក់ក្នុងថង់ស្អំពីលើរបួសរយៈពេល ១៥ទៅ២០នាទី រៀងរាល់ម៉ោងនៅថ្ងៃដំបូង។ ២ថ្ងៃក្រោយមកបន្តធ្វើបែបនេះរៀងរាល់ពី ៣ទៅ៤ម៉ោងម្ដង។
-ប្រើបង់រុំរបួសដោយរុំស្រាលៗព្រោះការរុំតឹងពេកអាចបណ្ដាលឲ្យស្ពឹកម្រាមជើង។
-ព្យាយាមរក្សាកជើងឱ្យនៅខ្ពស់ជាងកម្រិតបេះដូងដោយកល់ខ្នើយនៅក្រោមកជើងដែលកំពុងឈឺដើម្បីបន្ថយការឈឺចាប់។
-លេបថ្នាំបំបាត់ការឈឺចាប់ដូចជា ថ្នាំ acetaminophen ibuprofen ឬ meloxicam ជាដើម។
នៅពេលការឈឺចាប់ថយចុះ គួរបន្តសម្រាកបន្ថែមទៀតរហូតដល់ជាសះស្បើយទាំងស្រុងចាំចាប់ផ្ដើមធ្វើការងារដូចធម្មតា។
៤-បើ-កជើងកំពុងឈឺ
កជើងដែលកំពុងឈឺចាប់ដោយរបួសអាចត្រូវការពេលច្រើនសប្ដាហ៍ឬច្រើនខែដើម្បីជាសះស្បើយទាំងស្រុង។ ទោះជាការឈឺចាប់និងស្នាមហើមបានធូរស្រាលក៏ដោយក៏ស្ថានភាពកជើងរបស់យើងប្រហែលមិនទាន់មានកម្លាំងរឹងប៉ឹងដូចដើមនៅឡើយទេ។ ដូច្នោះអ្វីដែលយើងគួរធ្វើគឺត្រូវចាប់ផ្ដើមធ្វើលំហាត់ប្រាណស្រាលៗ ដើម្បីជួយពង្រឹងកជើងនិងការពារកុំឱ្យរបួសរើឡើងវិញ។ មិនគួរហក់លោត ឬរត់(ខ្លាំងៗ) បើដឹងខ្លួនថា អត់ទាន់ស្រួលក៏ជើងនៅឡើយ។
៥-ឈឺក-ជើង គួរ
-រក្សាទម្ងន់ឲ្យបានល្អ ដើម្បីបន្ថយសម្ពាធលើកជើងខ្លួនឯង។
-កម្ដៅសាច់ដុំមុនពេលហាត់ប្រាណ។ ការអង្គុយសណ្ដូកជើងត្រង់ ទាញ ឆ្វេងស្ដាំៗ ជាជម្រើសល្អបំផុត។
-មិនគួរលេងកីឡាណាដែលបញ្ចេញកម្លាំងលើសលប់ពេកដែលបង្កបញ្ហាដល់ក-ជើងសារជាថ្មី។
-ទ្រនាប់ជើងមានកែងខ្ពស់គួរជៀសវាង។
-ប្រើទ្រនាប់ជំនួយជើងសម្រាប់ការពារបន្ថែមទៀត។
-បើឈឺកជើងបណ្ដាលមកពីជំងឺរលាកសន្លាក់ យើងប្រហែលជាត្រូវការប្រើថ្នាំមួយចំនួនដើម្បីបំបាត់ការឈឺចាប់។ ដូចជាថ្នាំប្រឆាំងនឹងការរលាក (NSAIDs) និងថ្នាំលាបបំបាត់ការឈឺចាប់។
ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕
អត្ថបទផ្តល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]