អ្នកណាថា DJ Soda វះកាត់កែសម្ផស្ស? នាងបង្ហាញរូប កាលនៅក្មេង អ្នករិះគន់អាចស្ងាត់មាត់បាន

កូរ៉េខាងត្បូង៖ បើនិយាយពី DJ Soda ប្រិយមិត្តមួយចំនួនប្រហែលជាស្គាល់នាងហើយ ព្រោះថាDJ ស្រីស្រស់រូបនេះ មិនត្រឹមតែមានសម្រស់ស្អាតនោះទេ ក៏ប៉ុន្តែប្រជាប្រិយភាពរបស់នាង ក៏មិនអន់នោះដែរ ហើយមិនត្រឹមតែប៉ុណ្ណោះ នាងក៏ធ្លាប់មកសម្តែងនៅប្រទេសកម្ពុជាផងដែរ។

យ៉ាងណាមិញ បើក្រឡេកមកមើលសម្រស់របស់ DJ ម្នាក់នេះ នាងធ្លាប់ត្រូវបានមហាជន ក៏ដូចជាអ្នកគាំទ្រប្រឆាំងជាច្រើន បាននាំគ្នានិយាយថា សម្រស់របស់នាងគឺធ្លាប់ឆ្លងកាត់នូវមុខកាំបិត ដូច្នេះហើយទើបធ្វើឲ្យនាងមានសម្រស់ស្រស់ស្អាតបែបនេះ។

ក៏ប៉ុន្តែកាលពីថ្មីៗនេះ DJ Soda បានធ្វើឲ្យអ្នកគាំទ្រប្រឆាំងដែលនាំគ្នានិយាយឲ្យនាងបែបនេះ ស្ទើរតែដាច់ចង្កេះ និងភ្ញាក់ផ្អើលយ៉ាងខ្លាំង ក្រោយឃើញនាងបង្ហោះរូបថត កាលពីនាងនៅក្មេង ជាច្រើនសន្លឹកដើម្បីបញ្ជាក់អំពីសម្រស់របស់ខ្លួន។

ទោះជាយ៉ាងណាក្តី ផ្អែកលើរូបភាពទាំងនោះ បានឲ្យដឹងថា សម្រស់របស់ DJ Soda ពិតជាស្រស់ស្អាត តាំងពីនាងនៅក្មេងវ័យមកម្ល៉េះ ហើយទាំងនេះក៏បញ្ជាក់ថា រូបនាងពិតជាមិនធ្លាប់ឆ្លង់កាត់ការវះកាត់កែសម្ផស្សនោះទេ៕

តើប្រិយមិត្តយល់យ៉ាងណាដែរ? 

• តារាកូរ៉េ