៦ ខែដំបូង អាហារតែមួយគត់ល្អបំផុតសម្រាប់អូនៗ គឺទឹកដោះម៉ាក់ៗ។ ប៉ុន្តែរឿងបំបៅដោះមិនស្រួលដូចប្រុសៗគិតទេ ពិសេសម៉ាក់ៗរវល់ការងារ ឬគ្មានទឹកដោះគ្រប់គ្រាន់។ ទោះយ៉ាងនេះក្តី អូនៗនៅតែអាចលូតលាស់មានសុខភាពល្អតាមរយៈម្ស៉ៅទឹកដោះគោដែរ។ គ្រាន់តែថា ស្រីៗយើងប៉ុន្មាននាក់ដឹងច្បាស់ពីវិធីឆុងម្ស៉ៅទឹកដោះគោឲ្យបានត្រឹមត្រូវ? បើមិនអ៊ីចឹងអាចនឹងប៉ះពាល់សុខភាព ឬការលូតលាស់អូនៗបាន។ “Hello គ្រូពេទ្យ” នឹងណែនាំពីវិធីឆុងម្ស៉ៅទឹកដោះគោត្រឹមត្រូវឲ្យដឹង។
១- អ្វីទៅជាម្ស៉ៅទឹកដោះគោ?
ភាគច្រើនម្ស៉ៅទឹកដោះគោផលិតពីទឹកដោះគោស្រស់ ដោយមានការផ្លាស់ប្តូរនូវបរិមាណប្រូតេអ៊ីន ខ្លាញ់ និងកាបូអ៊ីដ្រាត ដើម្បីឲ្យមានភាពប្រហាក់ប្រហែលគ្នាទៅនឹងទឹកដោះម៉ាក់ៗ ដោយមានការបន្ថែមសារធាតុរ៉ែ និងវីតាមីនផងដែរ។ ការផ្លាស់ប្តូរទាំងនេះ គឺដើម្បីបង្កើតតុល្យភាពជីវជាតិចិញ្ចឹមដល់កូន។ បើធៀបនឹងទឹកដោះម៉ាក់ៗ ម្សៅទឹកដោះគោពុំមានផ្ទុកសារធាតុពិសេសៗអាចកាត់បន្ថយហានិភ័យជំងឺដល់កូនឡើយ។ ម៉ាក់ៗភាគច្រើនតែងយល់ថា ម៉ាកម្ស៉ៅទឹកដោះគោមួយចំនួនមានគុណភាពល្អសម្រាប់កូន ដោយសារឃើញគេប្រើនៅតាមគ្លីនិក ឬមន្ទីរពេទ្យ។ គួរសម្រេចចិត្តទៅតាមកម្រិតថវិកា និងភាពងាយស្រួលរកទិញ។ តាមពិតម្ស៉ៅទឹកដោះគោនីមួយៗ គ្មានអីខុសគ្នាច្រើន ដោយសារតែក្រុមហ៊ុនទាំងអស់សុទ្ធតែព្យាយាមប្រើធាតុផ្សំស្រដៀងគ្នាបំផុតទៅនឹងទឹកដោះម៉ាក់ៗ។ ជាទូទៅប្រភេទសម្រាប់កូនទើបកើតតែងមានដាក់ផ្លាក “កម្រិតដំបូង (Starter)” “ទើបកើត (Newborn)” ឬ “ដំណាក់កាលទី ១” ជាដើម។ ប្រភេទម្ស៉ៅទឹកដោះគោទាំងនេះ អាចប្រើបានចាប់ពីពេលកូនទើបកើតរហូតដល់ ១២ ខែ។
២- របៀបឆុងទឹកដោះគោឲ្យបានត្រឹមត្រូវ
ការឆុងម្ស៉ៅទឹកអាចគិតថាជារឿងងាយស្រួល ប៉ុន្តែនៅតែមានគ្នាយើងមួយចំនួននៅតែមិនទាន់អាចប្រើទឹកដោះគោជំនួសទឹកដោះត្រឹមត្រូវនៅឡើយ នាំឲ្យកូនមិនចង់បៅទឹកដោះគោនោះ ខណៈដើម្បីឆុងម្ស៉ៅទឹកដោះត្រឹមត្រូវយើងត្រូវមាន៖
– ដបទឹកដោះគោមានគម្រប និងសន្ទះបិទ
– ក្បាលដោះ
– កាំបិតជ័រ
– ច្រាសដុសដបទឹកដោះគោ
– សម្ភារៈសម្លាប់មេរោគ។
កូនភាគច្រើនពុំត្រូវការដប ឬក្បាលដោះពិសេសអ្វីទេ ប៉ុន្តែអាចមានមួយចំនួនចូលចិត្តប្រភេទក្បាលដោះធំ ឬតូចតាមចំណង់ចំណូលចិត្ត ហើយបញ្ហានេះអាចកើតឡើងពេលកូនធំបន្តិច។ ទឹកម៉ាស៊ីនចេញពីក្បាលរ៉ូប៊ីនេតាមផ្ទះមានផ្ទុកជាតិផ្លរ៉ាយ ជាជម្រើសល្អបំផុតសម្រាប់ឆុងទឹកដោះគោ ព្រោះវាអាចជំនួយដល់ធ្មេញទារកផងដែរ។ ទោះជាមានការអះអាងផឹកទឹកម៉ាស៊ីន មានសុវត្ថិភាពក៏ពិតមែន ប៉ុន្តែមុនកូនអាយុ ៦ខែ គ្នាយើងត្រូវដាំទឹកឲ្យពុះសិន និងទុកឲ្យត្រជាក់សិន សឹមយកមកឆុងទឹកដោះគោឲ្យកូន។ គួរប្រើទឹកសុទ្ធ ឬទឹកផ្សេងទៀត ក្នុងករណីដែលគ្មានទឹកម៉ាស៊ីនប៉ុណ្ណោះ មួយវិញទៀត គួរដាំទឹកដើម្បីឆុងម្សៅទឹកដោះគោះរហូតដល់កូនមានអាយុ ១២ ខែ។ មិនត្រូវប្រើទឹករ៉ែនោះទេ ដោយសារមានផ្ទុកបរិមាណអំបិល និងជាតិរ៉ែខ្ពស់បង្កហានិភ័យដល់តម្រងនោមកូន។
៣- តិចនិកឆុងម្ស៉ៅទឹកដោះគោ
ពេលឆុងទឹកដោះគោយើងគួរ៖
– អានពាក្យណែនាំលើកំប៉ុងជាមុនចាំអនុវត្តតាម
– ប្រើស្លាបព្រាមាននៅក្នុងកំប៉ុងស្រាប់
– ទុកដាក់ដប ក្បាលដោះ និងសម្ភារៈផ្សេងទៀតឲ្យមានអនាម័យ ហើយកុំភ្លេចសម្លាប់មេរោគមុននឹងប្រើប្រាស់។
សូមអានពាក្យណែនាំឲ្យបានត្រឹមត្រូវនៅចំហៀងដបពេលចាក់ទឹកឆុង ព្រោះបរិមាណទឹកតិចពេក ឬច្រើនពេក អាចប៉ះពាល់ដល់គុណភាពទឹកដោះគោ ក៏អាចធ្វើឲ្យអូនៗឈឺដែរ។ បើកូនគ្មានបញ្ហាអ្វីទេសូមកុំប្តូរចំនួនស្លាបព្រាទឹកដោះគោ ឬបន្ថែមទឹកដោយខ្លួនឯង។ គួរប្រើដបតែម្តងៗបានហើយ និងចាប់លាងសម្អាត ដោយសារមេរោគនឹងចាប់លូតលាស់ក្នុងទឹកដោះគោ បន្ទាប់ពីទុកចោលមួយម៉ោង។ ក្រោយអូនៗបៅរួច កុំទុកដបទឹកដោះគោ លើសមួយម៉ោងឲ្យសោះត្រូវចាក់ទឹកដោះគោសល់ចោល រួចប្រើដបថ្មីឆុងជំនួសវិញ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នកជម្រើសល្អបំផុត សូមពិគ្រោះ និង ប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
