ករណីគ្រោះថ្នាក់ចរាចរណ៍ដ៏រន្ធត់ ដោយរថយន្ដដឹកសិស្សសាលាប៊ែលធីព្រែកតាមាក់ ដែលមានសិស្ស២៦នាក់ បានបើកគេចម៉ូតូ ហើយជ្រុលចង្កូតធ្លាក់ទឹកស្រះ នៅភូមិអន្លុង។

ក្មេងសិស្សសាលាប៊ែលធី៥នាក់បាត់បង់ជីវិត ក្នុងហេតុការណ៍រថយន្តដឹកសិស្ស រេចង្កូតធ្លាក់ចូលស្រះទឹក នៅតាមបណ្តោយផ្លូវជាតិលេខ៨ ក្នុងស្រុកខ្សាច់កណ្តាល ខេត្តកណ្តាល នៅព្រឹកថ្ងៃ១០វិច្ឆិកា។ 

 បើយោងតាមការអះអាងរបស់លោក លី ប៊ុនឆៃ ជានាយកគ្រប់គ្រងសាលារៀនប៊ែលធីបានឲ្យដឹងថា កូនៗក្មួយៗសិស្សសាលាប៊ែលធីចំនួន២៦នាក់ ដែលធ្វើដំណើរតាមរយៈរថយន្ដឈ្នួលឯកជន (មិនមែនរថយន្តរបស់សាលា) បានជួបគ្រោះថ្នាក់ចរាចរណ៍ព្រឹកមិញនេះ មានសុវត្ថិភាព ២១នាក់ (របួស ២នាក់) និងបាត់បង់ជីវិត ៥នាក់។ សូមចូលរួមរំលែកទុក្ខជាមួយក្រុមគ្រួសារសព៕