ថ្មីៗនេះ អតីតបវរកញ្ញាថៃ (Miss Thailand) និងជាអតីតជាអ្នកនាំពាក្យក្រសួងការពារជាតិ នាង Boom Panadda Wongphudee ប៉ូលីសឃាត់ខ្លួនបញ្ចូនទៅតុលាការ។

នាង Panadda ត្រូវបានចាប់ខ្លួនពាក់ព័ន្ធនឹងការចោទប្រកាន់ថា ប្រាក់បរិច្ចាគដែលបានផ្តល់ឱ្យអង្គការរបស់នាង (Do Good Organisation Foundation) ត្រូវបានយកទៅប្រើប្រាស់ខុសគោលដៅ រួមទាំងការចោទប្រកាន់ថាមានការបង្វែរប្រាក់ចេញពីគោលបំណងសប្បុរសធម៌ដើមផងដែរ។

នាងកំពុងប្រឈមមុខនឹងការចោទប្រកាន់ចំនួន ៣ ករណី រួមមាន៖

ការឆបោកជាសាធារណៈ

ការលាងលុយកខ្វក់

បទល្មើសក្រោមច្បាប់ស្តីពីឧក្រិដ្ឋកម្មកុំព្យូទ័ររបស់ប្រទេសថៃ។

«ខ្ញុំសុខចិត្តចូលរួមក្នុងដំណើរការផ្លូវច្បាប់» នាងបាននិយាយទៅកាន់អ្នកសារព័ត៌មាននៅពេលមកដល់ទីស្នាក់ការប៉ូលិស ដោយបាននិយាយពាក្យសុំទោសជាច្រើនដងថា៖ «សូមទោសអ្នកទាំងអស់គ្នា»។

យ៉ាងណាមិញ ប្រជាជនថៃជាច្រើនសម្ដែងការខកចិត្តចំពោះនារីរូបនេះ ដែលបានបោកប្រាស់ទំនុកចិត្តរបស់ពួកគេ ហើយសង្ឃឹមថាច្បាប់នឹងអាចចាប់នាង Boom Panadda ដាក់ពន្ធនាគារ៕