ព័ត៌មានមួយបានរាយការណ៍ថា នៅរាល់ពេលយប់ មានឆ្កែមួយក្បាលឈ្មោះ Lilica ដើរចម្ងាយជិត ១២ គីឡូម៉ែត្រកាត់ទីក្រុងសៅប៉ូឡូ (São Paulo) ប្រទេសប្រេស៊ីល ដើម្បីនាំយកអាហារទៅឱ្យសត្វដទៃទៀតដែលរស់នៅជាមួយនាងនៅឯទីចាក់សំរាម។

នៅពេលអ្នកជិតខាងម្នាក់ឱ្យថង់អាហារដល់នាង នាងក៏នាំយកថង់នោះដោយប្រុងប្រយ័ត្នត្រឡប់ទៅផ្ទះវិញ។ ទោះបីជាកូនៗរបស់នាងត្រូវបានគេយកទៅចិញ្ចឹមអស់ហើយក៏ដោយ ក៏ Lilica នៅតែបន្តធ្វើសកម្មភាពដដែលនេះ ដោយបង្ហាញពីការយកចិត្តទុកដាក់យ៉ាងខ្លាំងចំពោះសត្វទាំងឡាយដែលនៅតែពឹងផ្អែកលើរូបនាង។

សុនខមួយនេះ ហាក់ដូចជាមានញាណដឹងអំពីការស្រេកឃ្លានរបស់សុនខដ៏ទៃដែលជាមិត្ត និង កើតមានក្ដីអាណិតចំពោះពពួកសត្វដូចខ្លួន។ ទង្វើមួយនេះ បានធ្វើឲ្យសុនខ Lilica មានកេរ្តិ៍ឈ្មោះល្បីពេញបណ្ដាញសង្គមជាមួយនឹងរឿងដ៏រំជួលចិត្តនេះ៕