ថ្មីៗនេះ តារាចម្រៀងដ៏ល្បីល្បាញ Ed Sheeran ត្រូវបានមហាជនខឹងសម្បារ ដោយសារតែខ្លួនបានដក Macklemore មិនឲ្យសម្ដែងនៅក្នុងការប្រគុំតន្ត្រីទេសចរណ៍របស់ខ្លួន ដោយសារតែមានទំនាស់រឿងនយោបាយ។

ក្រុមសិល្បករដែលចូលរួមសម្តែងគាំទ្រកម្មវិធីរបស់ Ed Sheeran ទាំងអស់ បានសម្រេចចិត្តដកខ្លួនចេញពីដំណើរប្រគុំតន្ត្រីទេសចរណ៍របស់គាត់ ដើម្បីបង្ហាញការគាំទ្រដល់ Macklemore បន្ទាប់ពីសិល្បកររូបនេះត្រូវបានហាមឃាត់មិនឱ្យបន្តសម្តែង។

Finneas, Lukas Graham និង Aaron Rowe សុទ្ធតែបានដកខ្លួនចេញពីការសម្តែងបើកឆាក ខណៈដែលក្រុមតន្ត្រីអៀរឡង់ Beoga ដែលធ្លាប់សម្តែងរួមដំណើរជាមួយ Sheeran ក៏បានប្រកាសដកខ្លួនចេញផងដែរ។

ការដកខ្លួនជាបន្តបន្ទាប់នេះបានកើតឡើងមួយថ្ងៃបន្ទាប់ពី Macklemore បានទម្លាយថា គាត់ត្រូវបានដកចេញពីកម្មវិធីសម្តែងដែលនៅសល់នៃដំណើរប្រគុំតន្ត្រី "Loop Tour" ដោយសារតែគាត់បានថ្លែងមតិពាក់ព័ន្ធនឹងរឿងនយោបាយអំឡុងពេលសម្តែងនៅកីឡដ្ឋាន MetLife។

នៅពេលនេះ សិល្បករផ្សេងទៀតដែលនៅសល់ក្នុងក្រុមសម្តែងគាំទ្រ ក៏កំពុងសម្រេចចិត្តឈរខាងជាមួយគាត់ដែរ។ យ៉ាងណាមិញគេសង្កេតឃើញថា ចំនួនអ្នកគាំទ្រនៅក្នុងបណ្ដាញសង្គមរបស់ Ed Sheeran ក៏នាំគ្នាបង្ហាញការមិនពេញចិត្តនឹងទង្វើរបស់គាត់ដេរ៕

ប្រភព៖ Muslim Girl