មនុស្សជាច្រើនយល់ច្រឡំថាជាជំងឺផ្លូវចិត្ត ក្នុងករណីខ្លះអាចពាក់ព័ន្ធនឹងការឆ្លងមេរោគប៉ារ៉ាស៊ីត។ ជំងឺ Toxoplasmosis ដែលបង្កឡើងដោយប៉ារ៉ាស៊ីតឈ្មោះ Toxoplasma gondii អាចឆ្លងចូលទៅក្នុងខួរក្បាល ហើយក្នុងករណីខ្លះ វាត្រូវបានគេរកឃើញថាមានទំនាក់ទំនងជាមួយរោគសញ្ញាដូចជាជំងឺធ្លាក់ទឹកចិត្តជាដើម។

បន្ទាប់ពីប្រើប្រាស់ថ្នាំអស់រយៈពេលជាច្រើនឆ្នាំដោយមិនមានភាពប្រសើរឡើង អ្នកជំងឺមួយចំនួនអាចនឹងរកឃើញថាមានបញ្ហាសុខភាពលាក់កំបាំងមួយដូចជាជំងឺ Toxoplasmosis នៅខួរក្បាល ឬនៅភ្នែក ដែលកំពុងប៉ះពាល់ដល់មុខងារខួរក្បាល និងសារធាតុបញ្ជូនសញ្ញាប្រសាទ (neurotransmitters) ដែលថ្នាំព្យាបាលជំងឺធ្លាក់ទឹកចិត្តព្យាយាមគ្រប់គ្រង ដែលធ្វើឱ្យប្រសិទ្ធភាពនៃការព្យាបាលថយចុះ។

របាយការណ៍ករណីសិក្សាមួយដែលបានចុះផ្សាយក្នុងទស្សនាវដ្ដី BMC Psychiatry បានពិពណ៌នាអំពីអ្នកជំងឺម្នាក់ដែលមានជំងឺធ្លាក់ទឹកចិត្តដែលពិបាកព្យាបាល (treatment-resistant depression) ប៉ុន្តែបានធូរស្រាលឡើងវិញបន្ទាប់ពីទទួលបានការព្យាបាលដែលផ្តោតលើការកម្ចាត់ប៉ារ៉ាស៊ីតនោះ។

អ្នកស្រាវជ្រាវបានកត់សម្គាល់ថា ទោះបីជាមិនសូវជួបប្រទះញឹកញាប់ក៏ដោយ ការឆ្លងមេរោគដែលប៉ះពាល់ដល់ខួរក្បាលអាចរួមចំណែកបង្កឱ្យមានរោគសញ្ញាផ្លូវចិត្តក្នុងករណីខ្លះ៕

ប្រភព៖ Know More