ស្ថានីយទូរទស្សន៍រដ្ឋរបស់ចិន CCTV បានរាយការណ៍នៅព្រឹកនេះថា ចំនួនអ្នកដែលបាត់ខ្លួននៅក្នុងគ្រោះមហន្តរាយបាក់ដីនៅស្រុក Gyirong នៃតំបន់ទីបេ បានកើនឡើងដល់ ៥៥៨នាក់ហើយ។

CCTV បានបញ្ជាក់ថា ក្នុងចំណោមអ្នកបាត់ខ្លួនទាំងនោះ មានជនបរទេសចំនួន ២៦០នាក់ ហើយបានបន្ថែមថា ចំនួនអ្នកស្លាប់នៅតែមានចំនួន ៣នាក់ដដែល។

ច្រកព្រំដែននៅ Gyirong គឺជាច្រកឆ្លងកាត់ដ៏សំខាន់សម្រាប់ភ្ញៀវទេសចរ និងការធ្វើដំណើររវាងប្រទេសចិន និងប្រទេសនេប៉ាល់។

កាលពីថ្ងៃពុធ ប្រព័ន្ធផ្សព្វផ្សាយរដ្ឋបានរាយការណ៍អំពី "ការខូចខាត និងការបាត់បង់ជីវិតយ៉ាងធ្ងន់ធ្ងរ" ភ្លាមៗបន្ទាប់ពីការបាក់ដីបានកើតឡើងនៅតំបន់ព្រំដែនរួមគ្នានោះ។

មុននេះ ប្រទេសនេប៉ាល់បានឱ្យដឹងថា មានភ្ញៀវទេសចរប្រហែល ៥៧៩ នាក់បានបាត់ខ្លួន ដែលក្នុងនោះមានជនបរទេសចំនួន ៤៦៦ នាក់។ គេមិនទាន់អាចបញ្ជាក់បានច្បាស់នៅឡើយទេថា តើមានតួលេខណាមួយត្រូវបានរាប់ចំនួនពីរដងដែរឬទេ៕

ប្រភព៖ https://www.bbc.com/news/live/c6y8mjmnpxv0t

វីដេអូ៖ https://youtu.be/YM7qzv5oIMQ?si=R8T8cOebjXc2zRJn