ថ្មីៗនេះ យោងតាមប្រភពបានឲ្យដឹងថា បន្ទាប់ពីមានសំណូមពរពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អោយជនដៃដល់ឈ្មោះ ឆេង ភារុន ចូលសារភាពហើយវិលត្រលប់ពីប្រទេសវៀតណាម មកប្រទេសកម្ពុជាវិញដើម្បី អនុវត្តន៍ច្បាប់ចំពោះទង្វើរបស់ខ្លួន នៅព្រឹកថ្ងៃទី ២៤ ខែ សីហា ឆ្នាំ ២០២៦ នេះ ឈ្មោះ ឆេង ភារុន បានត្រលប់មកវិញហើយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គិតត្រឹមម៉ោង ៦:៣០នាទី ព្រឹកនេះ ជនដៃដល់ បានឆ្លងដែនពីប្រទេសវៀតណាម ចូលមកកម្ពុជាតាមប៉ុស្តិ៍អន្តរជាតិបាវិត ដោយមានសមត្ថកិច្ចនគរបាលនាយកដ្ឋានព្រហ្មទណ្ឌ ក្រសួងមហាផ្ទៃ រង់ចាំទទួលយកមកអនុវត្តន៍និតិវិធីតាមផ្លូវច្បាប់ ។
ពេលនេះ សមត្ថកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ ដឹកនាំដោយលោកឧត្ដមសេនីយ៍ទោ ប៉ុល រតនា អនុប្រធាននាយកដ្ឋាន បាននាំខ្លួនឈ្មោះ ឆេង ភារុន ពីប៉ុស្តិ៍អន្តរជាតិបាវិតមកមកភ្នំពេញដើម្បីចាត់ការបន្តតាមនិតិវិធីច្បាប់៕
Bong I.T