Rashford ថាកីឡាករពីររូបនេះ សមនឹងឈ្នះពានបាល់មាស Ballon d'Or នៅរដូវកាលនេះណាស់

កីឡា៖ ខ្សែប្រយុទ្ធ Marcus Rashford បានចុចយកខ្សែប្រយុទ្ធ Lamine Yamal និង Ousmane Dembele ជាកីឡាករដែលសមនឹងក្លាយជាម្ចាស់ពានបាល់មាស Ballon d'Or នៅរដូវកាលនេះ។

ពិតណាស់ ការប្រកាសឈ្មោះអ្នកឈ្នះពានបាល់មាស Ballon d'Or ដែលរៀបចំឡើងដោយ France Football នឹងធ្វើឡើងនាថ្ងៃទី ២២ ខែកញ្ញា ឆ្នាំ២០២៥ ខណៈដែលអ្នកដែលជាប់ឈ្មោះត្រូវប្រជែងយកពាននេះនឹងត្រូវប្រកាសនា ខែសីហា ឆ្នាំ២០២៥។ ពានរង្វាន់នេះផ្ដល់ជូនសម្រាប់កីឡាករដែលឆ្នើមជាងគេប្រចាំរដូវកាល។

ខណៈនេះដែរ មានការជជែកវែកញែកជាច្រើនបានលើកឡើងថា អ្នកណាសមនឹងឈ្នះពានរង្វាន់មួយនេះ ដោយ Ousmane Dembele និង Lamine Yamal សុទ្ធតែត្រូវគេលើកយកមកនិយាយថាពួកគេសមនឹងឈ្នះ។យ៉ាងណាមិញ សម្រាប់គំនិត Rashford ផ្ទាល់ រូបគេបានគិតថា៖

"ពាន Ballon d'Or? វាអាស្រ័យលើការគិតរបស់មនុស្សម្នាក់ៗ... បើសិនជាអ្នកបោះឆ្នោតឲ្យកីឡាករឆ្នើមបំផុតជាប់គឺប្រាកដជា Lamine Yamal តែបើសិនជាអ្នកបោះឆ្នោតឲ្យអ្នកដែលឆ្នើមហើយឈ្នះ Champions League គឺ Ousmane Dembele ...វាអាស្រ័យលើគំនិតរបស់អ្នក។ "