Man City កំពុងចរចាលក់កីឡាករចាស់វស្សាម្នាក់នេះ របស់ខ្លួនទៅឲ្យ Everton

 កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបស្ករគ្រាប់ Everton កំពុងបើកការចរចាទិញយក ខ្សែការពារ Kyle Walker ពីក្លិបមេឃខៀវ Manchester City ។

Walker ដែលបានចូលរួមជាមួយ Man City  តាំងពីឆ្នាំ២០១៧ និងតែងតែក្លាយជាកីឡាករឆ្នើមដ៏សំខាន់ម្នាក់នៅក្នុងក្រុម ប៉ុន្តែកាលពីរដូវកាលមុន ទម្រង់់លេងរបស់គេហាក់ធ្លាក់ខ្លាំង ទើបលោក Pep Guardiola សម្រេចចិត្តដាក់ឲ្យក្លិប AC Milan ខ្ចីជើងកីឡាករសញ្ជាតិអង់គ្លេសរូបនេះ ប៉ុន្តែក្រោយចប់រដូវកាល ២០២៤/២៥ មក AC Milan គ្មានគម្រោងទិញ Walker ផ្ដាច់នោះទេ។

ដូច្នេះ Kyle Walker នឹងត្រូវមករួមក្រុមវិញសម្រាប់រដូវកាលក្រោយ ប៉ុន្តែលោក Pep Guardiola បានបញ្ជាក់ច្បាស់ហើយថា លោកមិនត្រូវការ Walker នៅក្នុងក្រុមទៀតនោះឡើយ និងត្រៀមលក់គេចេញពីក្លិប។

ខណៈនោះ Everton បានបង្ហាញការចាប់អារម្មណ៍ទៅលើរូបគេ ប៉ុន្តែលទ្ធផលនៃការចរចាមិនទាន់ចេញផ្លែផ្កានោះឡើយ៕