Ronaldo បានជូនអាវដល់ លោកប្រធានាធិបតី ដូណាល់ ត្រាំ ព្រមជាមួយសារដ៏ពិសេសមួយ

កីឡា៖ កំពូលខ្សែប្រយុទ្ធ Cristiano Ronaldo បានជូនកាដូដ៏ពិសេសមួយដល់ លោកប្រធានាធិបតី Donald Trump នៃសហរដ្ឋអាមេរិក នូវអាវកីឡាក្រុមជម្រើសជាតិព័រទុយកាល់ ដោយមានហត្ថលេខារបស់ខ្លួន។

កាលពីព្រឹកថ្ងៃទី១៧ខែមិថុនាកន្លងទៅនេះ លោកប្រធានាធិបតី ដូណាល់ ត្រាំ បានទទួលកាដូអាវមួយនេះពីលោក Antonio Costa ដែលជាប្រធានសហភាពអឺរ៉ុប ដោយក្នុងនោះ Ronaldo បានសរសេរអក្សរមួយជួរនៅខាងក្រោមអាវ ពីលើហត្ថលេខារបស់គេផ្ទាល់ថា "លេងកីឡាដើម្បីសន្តិភាព...គឺជាក្រុមមួយ" ។

បន្ទាប់ពីបានទទួលកាដូដ៏ពិសេសនេះពី Ronaldo លោកប្រធានាធិបតី Donald Trump បានឆ្លើយតបទៅកាន់ Ronaldo វិញថា " អូហ៍ ខ្ញុំពិតជាចូលចិត្តសារមួយនេះណាស់...លេងកីឡាដើម្បីសន្តិភាព។ ពិតជាអស្ចារ្យណាស់។"

សាររបស់ Cristiano Ronaldo ជាជំហរមួយប្រកាសថា រូបគេមិនចង់ឃើញមានសង្គ្រាមណាមួយកើតឡើងនោះទេ និងទទូចសុំឲ្យមានសន្តិភាពកើតឡើង៕