យកបានហើយ! R. Madrid ត្រៀមនឹងបង្ហាញមុខជម្រើសជាតិអាហ្សង់ទីន រូបនេះជាកីឡាករថ្មីរបស់ខ្លួន

កីឡា៖ ខ្សែបម្រើ Franco Mastantuono នឹងត្រូវបង្ហាញមុខជាកីឡាករថ្មីរបស់ Real Madrid នាពេលឆាប់ៗនេះ នេះបើយោងតាមការចុះផ្សាយរបស់អ្នកកាសែត Fabrizio Romano ។

កិច្ចព្រមព្រៀងរវាង កីឡាករជម្រើសជាតិអាហ្សង់ទីនរូបនេះ ជាមួយនឹងក្លិប Real Madrid ត្រូវបានព្រមព្រៀងនិងចុះហត្ថលេខារួចអស់ហើយ ខណៈដែលក្លិប River Plate នឹងទទួលបានប្រាក់ថ្លៃផ្ទេរកីឡាកររូបនេះខ្ទង់ ៤៥លានដុល្លារ ហើយ Franco Mastantuono នឹងចុះកុងត្រាជាមួយ Real Madrid រហូតដល់ខែមិថុនា ឆ្នាំ២០៣១ឯណោះ។

Franco នឹងចូលរួមលេងឲ្យ Real Madrid ចាប់ពីពាក់កណ្ដាលខែសីហាទៅ គឺក្រោយព្រឹត្តិការណ៍ Club World Cup បានចប់សព្វគ្រប់៕