Michelle Chen បង្ហាញភាពស្រស់ស្អាត ហ្វេនៗសរសើរ គ្រប់គ្នា ក្រោយ លែងលះ ស្វាមី

//s9.kh1.co/4a/4a86d7e26ea9d791ce689467c0e896f1e553d3c5.jpg

តារា & កម្សាន្ដ

០៧-មិថុនា-២០២៥ ៩ព្រឹក · ១៦ ម៉ោងមុន

តារាសម្ដែងស្រី Michelle Chen Yanxi បានទាក់ទាញការចាប់អារម្មណ៍ ក្រោយពីបានបង្ហាញសម្រស់ស្អាតទាក់ទាញ ក្នុងឈុតមួយនេះ បន្ទាប់ពីលែងលះគ្នាជាមួយស្វាមីមួយរយៈ។

កម្សាន្ត៖ យោងតាមប្រភព HK01 បានលើកឡើង ពីតារាសម្ដែងស្រី Michelle Chen Yanxi ដែលបានបញ្ចប់អាពាហ៍ពិពាហ៍រយៈពេល ៧ ឆ្នាំរបស់នាង ជាមួយអតីតស្វាមី លោក Chen Xiao នៅក្នុងខែកុម្ភៈឆ្នាំនេះ ដែលតាំងពីតារាស្រីរូបនេះ នៅលីវម្ដងទៀត រាល់សកម្មភាពរបស់នាង ទទួលបានការចាប់អារម្មណ៍ជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាចនិយាយបានថា ចាប់តាំងពីរៀបការជាមួយ Chen Xiao ក្នុងឆ្នាំ ២០១៦ Chen Yanxi បានកំណត់សកម្មភាពរបស់នាង នៅក្នុងឧស្សាហកម្មកម្សាន្ត ដោយផ្តោតលើការធ្វើជាស្ត្រីមេផ្ទះ ថែរក្សាប្តី និងកូនប្រុសរបស់នាង។ នាងមិនបានសម្តែងក្នុងខ្សែភាពយន្តទេ គ្រាន់តែលេចមុខម្តងម្កាលក្នុងកម្មវិធីកម្សាន្ត ឬកម្មវិធីទូរទស្សន៍ប៉ុណ្ណោះ ។ ប៉ុន្តែ ក្រោយពីការបែកគ្នា នាងបានវិលមកសម្ដែងក្នុងរឿងភាគ ដែលសម្ដែងជាតួអង្គរង ក្នុង រឿង Legend of Zang Hai ដែលចាក់ផ្សាយនៅថ្ងៃទី ១៨ ខែឧសភា កន្លងទៅនេះ។

ថ្មីៗនេះ កាលពីថ្ងៃទី ៣ ខែមិថុនា តារាស្រីរូបនេះ បានបញ្ចេញរូបថតមួយចំនួន នៅបឹង Erhai ដែលជាទឹកដីដែលគេស្គាល់ថាជា សម្រស់ដ៏អស្ចារ្យទាំងបួន នៃទីក្រុង Dali (ខេត្ត Yunnan ប្រទេសចិន)។

ក្នុងរូបថត Chen Yanxi ស្លៀករ៉ូបសូត្រពណ៌បៃតងខ្ចី បង្ហាញរាងស្លីម និងស្បែកសរលោង។ ខណៈដែលការបង្ហាញខ្លួនលើកនេះ រូបនាង បានបង្កភាពច្របូកច្របល់ ជាមួយនឹងស៊េរីរូបថតបង្ហាញពីសម្រស់ដ៏ឆើតឆាយ មានមន្តស្នេហ៍ បន្ទាប់ពីការលែងលះ ជាមួយអតីតស្វាមី។