យោធាថៃម្នាក់ បានបាត់បង់ជីវិត និង ៤នាក់របួសធ្ងន់ ដោយការវាយប្រហារបំផ្ទុះ គ្រាប់បែក

ថៃ៖ យោធាថៃម្នាក់ត្រូវបាត់បង់ជីវិត ក្នុងការវាយប្រហារបំផ្ទុះគ្រាប់បែកនៅខេត្ត Pattani ភាគខាងត្បូង នៅថ្ងៃចន្ទទី២ខែមិថុនាឆ្នាំ២០២៥។

តាមប្រភពបានឲ្យដឹងថា យោធាម្នាក់មានឈ្មោះ Apichart Phaphan បានស្លាប់ដោយសារតែការផ្ទុះគ្រាប់បែក ដែលបង្កលើផ្លូវហាយវ៉េលេខ ៤១៥៧ ក្នុងស្រុក Panare ខណៈមានសេចក្តីរាយការណ៍ថា ហេតុការណ៍នេះកើតឡើង ពេលយោធាមួយក្រុម ធ្វើដំណើរមកពីកម្មវិធីមួយ ដែលរៀបចំដោយរដ្ឋបាលស្រុកនេះ។

ក្រៅពីអ្នកស្លាប់ហើយនោះ ក៏មានមន្ត្រីយោធា៤នាក់ផ្សេងទៀតត្រូវរបួសផងដែរ ក្នុងនោះមានម្នាក់របួសធ្ងន់ ហើយត្រូវបានបញ្ជូនទៅកាន់មន្ទីរពេទ្យស្រុក Panare ភ្លាមៗ៕

ប្រភព៖ Khaosod