រូបភាពថ្មី កូនស្រី Tom Cruise បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ Suri Cruise ដែលត្រូវបានគេស្គាល់ថា ជាកូនស្រីវ័យ ១៩ ឆ្នាំ របស់ តារាសម្ដែង លោក Tom Cruise និង Katie Holmes បានស្លៀកពាក់បែបសាមញ្ញ និងប្រើប្រាស់មធ្យោបាយធ្វើដំណើរសាធារណៈ ពេលចេញទៅក្រៅទីក្រុងញូវយ៉ក កាលពីថ្ងៃទី ២៦ ឧសភា អំឡុងពេលវិស្សមកាលរដូវក្តៅរបស់នាង។

តាមរយៈការបង្ហាញខ្លួន Suri Cruise បាន​ពាក់​អាវ​ក្រៅ និង​អាវយឺត​ពណ៌​ខៀវ ​ជាមួយ​នឹងខោជើង និង​ស្បែកជើង​ប៉ាតា។ ជាពិសេស កូនស្រីរបស់តារាប្រុសរូបនេះ ​បាន​ដើរ​ដោយ​​មុខ​ទទេបែបធម្មជាតិ ហើយ​ចង​សក់​លើកឡើង​ បង្ហាញសម្រស់ស្អាត ដ៏គួរឲ្យស្រលាញ់របស់នាង។

បើទោះបីជា ក្នុងនាមជាកូនស្រីរបស់តារាភាពយន្តល្បីក៏ដោយ តែ Suri Cruise នៅតែជ្រើសរើសរបៀបរស់នៅបែបសាមញ្ញ ខណៈពេលដែលឪពុករបស់នាង តារាសម្តែង Tom Cruise ជារឿយៗ ជិះឧទ្ធម្ភាគចក្រឯកជន ចំណែកឯ Suri ជ្រើសរើសរថភ្លើងក្រោមដី ឬតាក់ស៊ី។ បន្ទាប់ពីឪពុកម្តាយរបស់នាង បានលែងលះគ្នា ក្នុងឆ្នាំ ២០១២ Suri ត្រូវបានម្តាយរបស់នាងចិញ្ចឹមដូចក្មេងធម្មតា ដោយនាងចូលចិត្តសម្លៀកបំពាក់ធម្មតា ហើយប្រើប្រាស់របស់របរផ្ទាល់ខ្លួន របស់នាងឡើងវិញ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖