តារាចម្រៀងមានទេពកោសល្យ សុខ សម្បត្តិ នឹងបង្ហាញវត្តមាន ការសម្តែង នៅម៉ោងសម្រាក ក្នុងការប្រកួតវគ្គផ្តាច់ព្រ័ត្រ របស់ក្រុងព្រះខ័នរាជស្វាយរៀង

កម្សាន្ត៖ តាមរយៈការបង្ហោះ នៅលើផេកផ្លូវការ Preah Khan Reach Svay Rieng FC បានឲ្យដឹងថា តារាចម្រៀង សុខ សម្បត្តិនឹងមានវត្តមាន ធ្វើការសម្តែងនៅម៉ោងសម្រាកវគ្គទី១ ក្នុងការប្រកួតពានរង្វាន់ AFC Challenge League 2024/2025 វគ្គផ្តាច់ព្រ័ត្រ រវាងព្រះខ័នរាជស្វាយរៀង ដែលនឹងប្រកួតជាមួយក្រុមបាល់ទាត់ FC Arkadag។

តាមប្រភពដដែលបានឲ្យដឹងថា ការប្រកួតវគ្គផ្តាច់ព្រ័ត្រ ពានរង្វាន់ AFC Challenge League 2024/2025 រវាងក្រុមបាល់ទាត់ព្រះខ័នរាជស្វាយរៀង ប្រកួតជាមួយក្រុមបាល់ទាត់ FC Arkadag នឹងប្រព្រឹត្តទៅ នាថ្ងៃទី១០ ខែឧសភា ខាងមុខនេះក្នុងពហុកីឡដ្ឋានមរតកតេជោដូច្នេះដែរ។

គួររំលឹកផងដែរថា តារាចម្រៀង សុខ សម្បត្តិ ត្រូវបានគេចាត់ទុកថាជាតារាចម្រៀងដ៏មានទេពកោសល្យម្នាក់ ព្រោះលោកទទួលបានការចាប់អារម្មណ៍ពីសំណាក់មហាជនជារឿយៗ ជាពិសេសអ្នកនិយមលេងបណ្តាញសង្គមហ្វេសប៊ុកអំពី សមត្ថភាពដែលរូបលោក ចូលចិត្តយកសម្លេងនានា យកមកធ្វើភ្លេង ក៏ដូចជារកទំនុកចម្រៀងភ្លាមៗ​ ដែលបទចម្រៀងជាច្រើន ដែលល្បីៗមានដូចជា «អប្សរអង្គរសង្រ្កាន្ត» ក៏ដូចជា «ក្រោមទង់ជាតិតែមួយ» ជាដើម៕