Nycha ចេញមក និយាយ បែបនេះ ជាលើកដំបូង ក្រោយ មានរឿង ...

ថៃ៖ បន្ទាប់ពីជួបព្យុះព័ត៌មានជីវិតស្នេហាជាមួយមិត្តប្រុស Tono Pakin សម្រាប់តារាសម្ដែង Nycha Natthanicha ត្រូវបានមហាជនជាច្រើន បានផ្ញើសារគាំទ្រនាងយ៉ាងច្រើនលើសលប់ រួម​ទាំង​ចាំ​មើល​ ថា​តើ​គូស្នេហ៍មួយនេះ​នឹង​បែក​គ្នា​ឬ​យ៉ាងណា ខណៈថ្មីៗនេះ តារាស្រី Nycha ក៏បានចេញមកផ្តល់បទសម្ភាសន៍ ជាលើកដំបូង ទៅកាន់អ្នកសារព័ត៌មាន។

តាមរយៈនេះ តារាស្រី Nycha បានបង្ហើបថា នាងមានភាពធម្មតា មិនមានបញ្ហាអ្វីឡើយ ខណៈមានមនុស្សជាច្រើន បាន​ផ្ញើ​ការ​លើក​ទឹក​ចិត្ត​ដល់នាង។ យ៉ាងណាមិញ នៅពេល​នេះ មាន​អ្នក​រាល់​គ្នា​ព្រួយ​បារម្ភ​ថាតើនាងមានបញ្ហាអ្វីឬយ៉ាងណានោះ Nycha បានប្រាប់ថា «កុំបារម្ភអី ខ្ញុំរស់នៅធម្មតាៗ»។

ជាពិសេស ក្រោយពីត្រូវបានរំលង សំណួរដែល​អ្នក​សារព័ត៌មាន​សួរ​ម្ដង​ទៀត​ពី រឿងចម្រូងចម្រាស ​នាង បានបង្ហើបថា នាងរស់នៅជាមួយនឹង​ពេល​បច្ចុប្បន្ននេះ​ ព្រមទាំងបានបង្ហាញ នាង​សប្បាយ​ចិត្ត នឹងភាពនៅលីវ និងបានអរគុណសម្រាប់ការព្រួយបារម្ភរបស់ ហ្វេនៗអ្នកគាំទ្រ ទាំងអស់គ្នា ផងដែរ៕

ប្រភព៖ Kapook

សូមទស្សនារូបភាពខាងក្រោម៖