អ៊ីតាលី៖ Jennie ដែលជាសមាជិកម្នាក់របស់ក្រុមចម្រៀងនារី BLACKPINK នៅតែទទួលបានការចាប់អារម្មណ៍ និងការគាំទ្រខ្លាំង បើទោះបីពេលនេះក្រុម BLACKPINK មិនមានសកម្មភាពរួមគ្នាចាប់តាំងពីឆ្នាំ២០២៤នេះក៏ដោយ។

ថ្មីៗនេះ នាងក៏បានដើរម៉ូតក្នុងកម្មវិធីប្រារព្ធខួប១៥ឆ្នាំរបស់ម៉ាកយីហោ JACQUEMUS ដ៏ល្បីល្បាញដែលធ្វើឡើងនៅទីក្រុង Capri ប្រទេសអ៊ីតាលីផងដែរ។

យ៉ាងណាមិញ ទន្ទឹមនឹងរូបភាពដើរម៉ូតរបស់នាងទទួលបានការចាប់អារម្មណ៍នោះ រូបថតពេលនាងចូលរួមកម្មវិធីជប់លៀងក្រោមចប់កម្មវិធីដើរម៉ូត រឹតតែធ្វើឲ្យអ្នកគាំទ្រចាប់អារម្មណ៍ ព្រោះម្ដងនេះនាងស្លៀករ៉ូបពណ៌ក្រហមយ៉ាងចែងចាំងឈ្មោះថា La robe maille roupao ជាប្រភេទរ៉ូបដៃតូចបង្ហាញគល់ទ្រូង និងសម្រុងយ៉ាងខ្លីត្រឹមពាក់កណ្ដាលភ្លៅ។

ក្នុងនោះដែរគេឃើញថា Jennie ពិតជាសប្បាយរីករាយខ្លាំងណាស់ដោយនាងបានបញ្ចេញក្បាច់រាំគ្រវីចង្កេះ ដោយមិនខ្វល់ថាមានអ្នកថតនោះឡើយ៕  

ប្រភព៖ allkpop