ស្វីតម៉្លេះ Jong Suk សង្សារ IU មកមើលនាងប្រគុំតន្ត្រីដោយផ្ទាល់ ធ្វើឲ្យហ្វេនច្រណែនព្រាត

កូរ៉េខាងត្បូង៖ កាលពីយប់ថ្ងៃទី២ខែមីនាកន្លងទៅនេះ IU ដែលជាតារាចម្រៀងមានទឹកដមសំនៀងផ្អែមពីរោះ និងរាងតូចច្រឡឹងគួរឲ្យស្រលាញ់នោះ បានធ្វើការប្រគុំតន្ត្រីទេសចរណ៍ឈ្មោះថា "H.E.R" នៅឯទីក្រុងសេអ៊ូល ប្រទេសកូរ៉េខាងត្បូង ដែលមានការចូលរួមទស្សនាពីសំណាក់តារាល្បីៗជាច្រើន។

បន្ថែមពីលើនោះទៀត ក្រុមចម្រៀង KPOP ដូចជា RIIZE និង NewJeans ជាដើមក៏សុទ្ធតែបានឡើងសម្ដែងលើឆាក បង្កបរិយាកាសឲ្យកាន់តែមានភាពសប្បាយរីករាយ។

យ៉ាងណាមិញ ក្នុងចំណោមអ្នកទៅទស្សនាការប្រគុំតន្ត្រីនេះ គេសង្កេតឃើញថាតារាប្រុស Lee Jongsuk ដែលត្រូវបានគេស្គាល់ថាជាគូស្នេហ៍របស់ IU ក៏បានទៅចូលរួមទស្សនាផងដែរ ដោយអ្នកគាំទ្រថតបាន Jongsuk មើល IU ច្រៀងលើឆាកពោរពេញដោយស្នាមញញិម។ 

រូបភាពនោះធ្វើឲ្យអ្នកគាំទ្រនាំគ្នាសរសើរគូស្នេហ៍មួយគូនេះ ថានៅតែរក្សាភាពផ្អែមល្ហែម បើទោះជាប្រកាសទាក់ទងគ្នាបានលើសពីមួយឆ្នាំហើយក្ដីគឺតាំងពីខែធ្នូ ឆ្នាំ២០២២មកម៉្លេះ៕  

ប្រភព៖ allkpop