មិនថានៅទីកន្លែងណា Jennifer និងស្វាមី នៅតែបង្ហាញភាពផ្អែមល្ហែម បែបនេះបាន

កម្សាន្ត៖ អាចនិយាយបានថា ក្រោយពីបានរៀបការនឹងគ្នារួចមក តារាចម្រៀងស្រី Jennifer Lopez និង ស្វាមី លោក Ben Affleck តែងតែបង្ហាញពីសកម្មភាពដ៏ផ្អែមល្ហែម មិនថាចេញមកកម្សាន្តតាមផ្លូវ ឬចូលរួមកម្មវិធីជាមួយគ្នានោះឡើយ។

ដោយឡែក ភាពផ្អែមល្ហែមរបស់ប្ដីប្រពន្ធមួយនេះ នៅតែមិនថមថយនោះឡើយ ខណៈដែលថ្មីៗនេះ អ្នកទាំងពីរ ត្រូវ​បាន​គេ ​ប្រទះ​ឃើញ​សកម្មភាពដ៏ផ្អែមល្ហែម បន្ទាប់​ពី Jennifer បាន​ធ្វើដំណើរ​កម្សាន្ត​ ទៅ​ប្រទេស​ជប៉ុន​ជាមួយ​កូនៗ​របស់​នាង។

ក្នុងនោះដែរ រូបថតដែលទទួលបានដោយ Page Six បានបង្ហាញពីរូបភាពស្វាមីភរិយា ដែលកំពុងកាន់ដៃគ្នា ថើបគ្នាយ៉ាងផ្អែមល្ហែម ខណៈពេលដែលកំពុងរីករាយនឹងការណាត់ជួប ពេលអាហារថ្ងៃត្រង់ កាលពីថ្ងៃអាទិត្យកន្លងទៅនេះ៕

ប្រភព៖ Pagesix

សូមទស្សនារូបភាពខាងក្រោម៖