កម្សាន្ត ៖ ក្រុមការងារ Blackbox ជាមួយនិង BayonTV ប្រកាសបើកបង្ហាញរឿងភាគខ្មែរបុរាណថ្មី មានចំណងជើងថា មរតកបេះដូង ដែលជារឿងឆ្លុះបញ្ចាំងពីទិដ្ឋភាពជីវិតរស់នៅរបស់គ្រួសារអ្នកជំនួញសូត្រខ្មែរ កាលពីសម័យលង្វែក ដែលបាននាំមកជូននូវទេសភាពស្អាតៗបែបខ្មែរបុរាណ ជាមួយនឹងសកម្មភាពនៃការផលិតសូត្រខ្មែរពិតៗ។

រឿងភាគបុរាណខ្មែរ មរតកបេះដូង នេះដែរ ក៏មានការចូលរួមសម្ដែងដោយ តារាសម្ដែងប្រុសមានមន្តស្នេហ៍ លោកនារាយណ៍ ប្រិមប្រិយ និងតារាសម្ដែងស្រីស្រស់ស្អាតគួរឲ្យស្រលាញ់ កញ្ញា សាន្ត កុសមៈ។

ចំណែកឯគូទីពីរ សម្ដែងដោយ ប្រុសស្អាត សេងហ៊ុយ ដែលលោកជាម្ចាស់ជ័យលាភី Mister Friendship Cambodia 2022 និងតារាស្រីចំណូលថ្មី កញ្ញា យូមិ ជាតារាម៉ូដែល ដែលប្រកួតក្នុងកម្មវិធី Cambodia’s Queen of the Catwalk របស់លោក Oliva Kong ព្រមទាំងជា The winner of week two : The best photo and runway ផងដែរ។

គួរបញ្ជាក់ផងដែរថា ក្រៅពីតួអង្គសំខាន់ទាំងពីរគូហើយនោះ រឿង មរតកបេះដូង ក៏មានការចូលរួមសម្ដែងដោយ តារាសម្ដែងថ្មីចាស់ជាច្រើនរូបទៀត រួមគ្នាមកបញ្ចេញស្នាដៃ ធ្វើឲ្យរឿងនេះ កាន់តែគួរឲ្យចង់ទស្សនា។

សូមកុំភ្លេចរង់ចាំតាមដានទស្សនា រឿង «មរតកបេះដូង» នៅលើកញ្ចក់ទូរទស្សន៍បាយ័ន ក្នុងពេលឆាប់ៗនេះ។