ការចាក់បញ្ចាំងរឿង អ្នកស្នងអគារ នៅក្នុងមហោស្រពភាពយន្តអន្តរជាតិ Rotterdam

កម្សាន្ត៖ ខ្សែភាពយន្ត អ្នកស្នងអគារ គឺជារឿងបែបរន្ធត់មួយដែលដឹកនាំដោយលោក នេត ឥន្ទនរាសុទ្ធីដ្ឋេព និងអ្នកនាង ជា សុខយូ។ ខ្សែភាពយន្ត អ្នកស្នងអគារ នឹងត្រូវបានចាក់បញ្ចាំងនៅក្នុងមហោស្រពភាពយន្តអន្តរជាតិ Rotterdam នាពេលខាងមុខនេះ។ មហោស្រពភាពយន្តនេះនឹងធ្វើឡើងចាប់ពីថ្ងៃទី ២៥ ខែមករា ដល់ថ្ងៃទី ៤ ខែកុម្ភៈ ឆ្នាំ ២០២៤ ដែលនឹងមានការដាក់បង្ហាញខ្សែភាពយន្ត អ្នកស្នងអគារ ដែលសម្ដែងដោយតារាសម្ដែងកញ្ញា ថន ថាណែត និង អ្នកស្រី ស្វែង សុជាតា រួមជាមួយតារាសម្តែងជប៉ុន Yoshihiko Hosoda។

ដំណើរ ភាពយន្ត ឆ្លង វប្បធម៌ ដែល ថត នៅក្នុង ប្រទេស ជប៉ុន និង កម្ពុជា រឿង អ្នកស្នងអគារមានគោលបំណងកំណត់ឡើងវិញនូវស្តង់ដាររបស់ការកម្សាន្ត ជាមួយនឹងរបៀបរៀបរាប់ដ៏ទាក់ទាញ និងគុណភាពផលិតកម្មដ៏ល្អបំផុត។ សហការនិពន្ធ និងដឹកនាំដោយអ្នកនាង ជា សុខយូ និងលោក នេត ឥន្ទនរាសុទ្ធីដ្ឋេព ខ្សែភាពយន្តបែបភ័យខ្លាចនេះ គឺជាការសហការចុងក្រោយបំផុតរវាង ផលិតកម្ម កងចក្រ និង WML (Westec Media Limited) ។

ការប្រើប្រាស់ Dolby Atmos ជាលើកដំបូងក្នុងខ្សែភាពយន្តខ្មែរដំបូង

តាមរយៈ Kongchak Studio រឿង អ្នកស្នងអគារ គឺជាខ្សែភាពយន្តកម្ពុជាដំបូងដែលប្រើប្រាស់បច្ចេកវិទ្យា Dolby Atmos ដែលនឹងផ្ដល់ឱ្យទស្សនិកជនទទួលបាននូវបទពិសោធន៍ដ៏អស្ចារ្យដែលមិនអាចប្រៀបផ្ទឹមបាន ជាមួយនឹងគុណភាពសំឡេងដ៏ពិសេស។ ទស្សនិកជននឹងអាចទទួលបានអារម្មណ៍ពិតៗដែលដូចនឹងនៅក្នុង ភាពយន្តនោះផ្ទាល់។

សាច់រឿងនេះនឹងនិយាយអំពី សុរិយា ដែលជាវិចិត្រករ គូរគំនូរ រូប ថ្លុក ខណៈដែលនាងធ្វើដំណើរទៅកម្ពុជាជាមួយសង្សាររបស់នាង ដើម្បីបកស្រាយអាថ៌កំបាំងជុំវិញអតីតកាលរបស់ម្តាយរបស់នាង។ បន្ទាប់ពីការស្លាប់របស់ម្តាយនាង សូរិយា បានតាំងលំនៅនៅក្នុងអតីតអគារដែលម្តាយនាងធ្លាប់រស់នៅ ហើយបានជួបនឹងព្រឹត្តិការណ៍ចម្លែកៗនៅក្នុងអាគារនោះ។ ខណៈពេលដែលរឿងលម្អិតទៅមុខ វាកាន់តែច្បាស់ថា អ្វីដែលកើតឡើង គឺមានអ្វីដែលខ្មៅងងឹតជាងនេះទៅទៀត។

រឿង រ៉ាវ នៃ ភាពយន្ត នេះ មាន ភាព ស្រពិចស្រពិល និងបង្កើតជាភាពចង់ដឹង ជាមួយនឹងដំណើរការរស់នៅអ្នកនៅក្នុងអគារ រួមជាមួយនឹងអាថ៌កំបាំងដែលនឹកស្មានមិនដល់។

អ្នកដឹកនាំរឿង លោក នេត ឥន្ទនរាសុទ្ធីដ្ឋេព និងអ្នកនាង ជា សុខយូ បានបង្កើតរឿងមួយ ដែលមិនត្រឹមតែជាការកំសាន្តប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីភាពស្មុគស្មាញនៃធម្មជាតិរបស់មនុស្ស និងសង្គមដែលយើងរស់នៅ។

ដំណើរការផលិតរយៈពេល ៤ ឆ្នាំ

យោងតាមនាយកដឹកនាំរបស់ កងចក្រ លោក Loy Te បាននិយាយថា "ភាពយន្ត អ្នកស្នងអាគារគឺជាគម្រោងដ៏មានមហិច្ឆតា និងមានភាពពិបាកក្នុងការផលិត ដោយសារយើងផ្ដោតទៅលើបទពិសោធន៍ភាពយន្តដោយប្រើចិត្តសាស្រ្តនៃការសំឡេង" ។ ទោះបីជាមានបញ្ហាប្រឈមដែលបង្កឡើងដោយជំងឺរាតត្បាតក៏ដោយ ការផលិតរឿងនេះនៅតែបន្ត ដោយការថតនៅទីក្រុងតូក្យូ ប្រទេសជប៉ុនបានបន្តបន្ទាប់ពីការផ្អាកថតអស់រយៈពេលជាងពីរឆ្នាំ។

អ្នកដឹកនាំរង លោក នេត ឥន្ទនរាសុទ្ធីដ្ឋេព បានសម្តែងនូវសេចក្តីរីករាយរបស់ខ្លួនដែលបានឃើញភាពយន្តនេះទទួលបានការទទួលស្គាល់នៅក្នុងមហោស្រពនេះ បន្ទាប់ពីការលះបង់រយៈពេលបួនឆ្នាំពីក្រុមការងារអន្តរជាតិ។ ការផលិតតាំងពីឆ្នាំ ២០២១ នៅទីក្រុងតូក្យូ លោកបានមើលឃើញពីឧបសគ្គជាមួយការទំនាក់ទំនងដោយហេតុ ក្រុមការងារគឺរួមមានភាគច្រើនជាជនជាតិខ្មែរ ជប៉ុន អាមេរិក និងបារាំង។ ថ្វីបើមានឧបសគ្គទាំងនេះក៏ដោយ បទពិសោធន៍នេះគឺជាមេរៀនដ៏មានតម្លៃជាមួយការទំនាក់ទំនង។

លោក នេត ឥន្ទនរាសុទ្ធីដ្ឋេព បានបញ្ជាក់ផងដែរថា "ក្នុងនាមជាក្រុមការងារអន្តរជាតិ បទពិសោធន៍ដ៏ចម្រុះរបស់យើងរួមគ្នាបានបង្កើតគម្រោងនេះជាមួយទស្សនៈថ្មី និងបានរួមចំណែកដល់ភាពយន្តឈានទៅរកមួយកម្រិតថែមទៀត" ។

អ្នកនាង ជា សុខយូ ដែលជាអ្នកដឹកនាំរងដូចគ្នា បានបង្ហាញពីក្ដីសោមនស្សដែលរឿងមួយនេះមានជីវិត។ អ្នកនាងបាននិយាយថា "ខ្ញុំពិតជារីករាយណាស់ ដែលបានឃើញរឿង អ្នកស្នងអគារ បង្ហាញខ្លួនលើកដំបូងនៅក្នុងព្រឹត្តិការណ៍មហោស្រពភាពយន្តអន្តរជាតិ Rotterdam"។

លោក ប៉ុក បូរ៉ាក់ នាយកនៃនាយកដ្ឋានភាពយន្ត ក្នុងក្រសួង វប្បធម៌ និង វិចិត្រសិល្បៈ បាន ថ្លែងអំណរគុណយ៉ាងជ្រាលជ្រៅដល់ផលិតករ អ្នកដឹកនាំ អ្នកនិពន្ធ តារាសម្តែង និងក្រុមការងាររបស់ភាពយន្ត អ្នកស្នងអគារ ដែលត្រូវបានជ្រើសរើសក្នុងការដាក់បញ្ចាំងនៅក្នុងមហោស្រពភាពយន្តអន្តរជាតិ Rotterdam ។ លោកបានសរសើរពីការប្តេជ្ញាចិត្តឥតឈប់ឈរទៅកាន់ផលិតកម្ម កងចក្រ ទោះក្នុងអំឡុងពេលនៃការរាតត្បាតនៃជំងឺ កូវីដ១៩ ដោយលោកបានមានប្រសាសន៍ថា “ជោគជ័យដ៏សំខាន់នេះមិនត្រឹមតែបង្ហាញពីការលះបង់របស់ ផលិតកម្ម កងចក្រ ក្នុងការបង្កើតខ្សែភាពយន្តនេះនៅក្នុងកាលៈទេសៈដ៏លំបាក នេះបានបង្ហាញពីការរីកចម្រើននៃគុណភាពក្នុងការផលិតខ្សែភាពយន្តកម្ពុជាផងដែរ” ។ ការទទួលស្គាល់សមិទ្ធផលនេះជាជំហានដ៏សំខាន់មួយទៅមុខទៀតសម្រាប់ឧស្សាហកម្មភាពយន្តកម្ពុជា ហើយវាបានបង្កើនមោទនភាពដល់វិស័យមួយនេះទាំងមូល។

សម្រាប់ព័ត៌មានបន្ថែម

ភាពយន្តរឿង អ្នកស្នងអគារ បានសន្យាដល់ទស្សនិកជន នូវបទពិសោធន៍ភាពយន្តមួយ ដែលមានភាពខុសគ្នាពីបទពិសោធន៍ធម្មតា ដោយផ្តល់នូវភាពភ័យខ្លាច ភាព​ស្រពិចស្រពិល និងការស្រាវជ្រាវដ៏ពិសេសនៃចិត្តមនុស្ស។ សូមកុំខកខានក្នុងការដាក់បង្ហាញនៅក្នុងមហោស្រពភាពយន្តអន្តរជាតិ Rotterdam ដែលភាពយន្តនេះនឹងធ្វើឱ្យទស្សនិកជនពេញចិត្ត និងរំភើបនៅលើឆាកពិភពលោក។

នៅពេលដែលភាពយន្តបានបង្ហាញជាលើកដំបូងនៅ IFFR ទស្សនិកជនត្រូវបានអញ្ជើញឱ្យចូលរួមជាមួយភាពយន្តរឿង អ្នកស្នងអគារ តាមរយៈគណនីបណ្តាញសង្គម [https://www.facebook.com/TenementTheMovie] ។ សូមតាមដានដើម្បីទទួលបានព័ត៌មានពីក្រោយឆាក និងព័ត៌មានថ្មីៗ៕