រឿងអាស្រូវយ៉ាងណាក៏មិនធ្លាក់កូដ G-Dragon កំពុងតែពិចារណាកុងត្រាជាមួយក្រុមហ៊ុន Galaxy

កូរ៉េខាងត្បូង៖ ថ្មីៗនេះ តាមប្រភពពីកូរ៉េបានឲ្យដឹងថា តារាចម្រៀងកូរ៉េដ៏ល្បីល្បាញ G-Dragon បានកំពុងតែចចារនឹងចុះកុងត្រាជាមួយនឹងក្រុមហ៊ុន ​Galaxy Corporation។ អ្វីដែលធ្វើឲ្យមហាជនចាប់អារម្មណ៍នោះគឺ ក្រោយពីមានរឿងពាក់ព័ន្ធនឹងគ្រឿងញៀនយ៉ាងណាក៏ដោយ ក៏ប្រជាប្រិយរបស់តារាប្រុសរូបនេះ នៅតែមានឥទ្ធិពលដ៏ដែល។

មិនតែប៉ុណ្ណោះ មិនទាន់ចប់រឿងក្ដីយូរប៉ុន្មានផង ស្រាប់តែផ្ទុះដំណឹងនៃការចុះកុងត្រាចូលក្នុងទ្រនំថ្មី ដែលគេស្គាល់ថា ជាក្រុមហ៊ុនដែលផលិតកម្មវិធីល្បីៗដូចជា Street Women Fighter និង Physical 100 ដែលទទួលបានគាំទ្រយ៉ាងខ្លាំងក្លាទូទាំងពិភពលោក។

បើទោះបីជាលេចឮដំណឹងបែបនេះក៏ដោយ គេនៅមិនទាន់ប្រកាសជាសាធារណៈនៅឡើយទេថា G-Dragon បានចុះកុងត្រាហើយឬនៅនោះ ម៉្យាងវិញទៀត គេដឹងច្បាស់ហើយថា GD និង ផលិតកម្ម YG លែងមានអ្វីពាក់ព័ន្ធគ្នាហើយ ព្រោះចប់កុងត្រា៕

ប្រភព៖ allkpop