ការគេងមិនគ្រ-»ប់គ្រាន់ អាចធ្វើឲ្យអ្នកប្រឈមនឹងបញ្ហាគួរឲ្យបារ-»ម្ភអស់ទាំងនេះ

//s9.kh1.co/6a/6ac33d93f21bf5e846f2bed691241449ec73cfc6.jpg
យល់ដឹង

 ២៩-កញ្ញា-២០២៣ ១ល្ងាច · ៨ ខែមុន

អ្នកដឹងដែរទេថាការគេងមិនគ្រប់គ្រាន់ពីមួយថ្ងៃទៅមួយថ្ងៃនេះ អាចប៉ះពាល់ដល់សុខភាពរាងកាយនិងផ្លូវចិត្តរបស់អ្នកយ៉ាងខ្លាំង?

យល់ដឹង៖ ការគេងជាសកម្មភាពប្រចាំថ្ងៃដ៏មានអត្ថប្រយោជន៍ខ្លាំង ដែលមនុស្សមិនអាចអត់បាន ព្រោះការគេងជាពេលវេលាមួយដែលអ្នកសម្រាកខួរក្បាលនិងរាងកាយ ទុកពេលឲ្យរាងកាយបានជួសជុល ក៏ដូចជាពង្រឹងការចងចាំ និងបំបាត់អារម្មណ៍តានតឹងជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រូបភាពតំណាង
រូបភាពតំណាង

ជាទូទៅ មនុស្សពេញវ័យត្រូវការគេងឲ្យបាន៨ម៉ោងជារៀងរាល់យប់ នោះទើបហៅថាគេងបានគ្រប់គ្រាន់ តែសម្រាប់អ្នកខ្លះវិញ គិតថាការគេងមិនសូវសំខាន់ ហើយប្រឹងប្រែងបំពេញការងារឬសិក្សារហូតដល់ភ្លេចគេង ឬកម្រចូលគេង ធ្វើឲ្យពីមួយយប់ទៅមួយយប់ គឺគេងមិនគ្រប់គ្រាន់។ យ៉ាងណាមិញ អ្នកដឹងដែរទេថាការគេងមិនគ្រប់គ្រាន់ពីមួយថ្ងៃទៅមួយថ្ងៃនេះ អាចប៉ះពាល់ដល់សុខភាពរាងកាយនិងផ្លូវចិត្តរបស់អ្នកយ៉ាងខ្លាំង?

១. បាត់បង់ការចងចាំ

ការគេងមិនគ្រប់គ្រាន់ធ្វើឲ្យខួរក្បាលអសមត្ថភាពក្នុងការចងចាំ ដែលធ្វើឲ្យប៉ះពាល់ដល់ការចងចាំទាំងរយៈពេលវែងនិងរយៈពេលខ្លី។

២. សមត្ថភាពខួរក្បាលថយចុះ

នៅពេលអ្នកគេងបានតិច សមត្ថភាពនៃការបំពេញការងារឬធ្វើអីផ្សេងៗរបស់អ្នកនឹងថយចុះ នោះក៏ព្រោះសមត្ថភាពខួរក្បាលរបស់អ្នកថយចុះ ដោយអ្នកនឹងគិតអីមិនចេញ ឬ មិនអាចដោះស្រាយបញ្ហាបាន។

រូបភាពតំណាង
រូបភាពតំណាង

៣. អារម្មណ៍មិននឹងនរ

អ្នកអាចប្រឈមនឹងការទទួលអារម្មណ៍ងាយនឹងមួម៉ៅ មិនសប្បាយចិត្ត មិនស្រឡះមុខមាត់ ហើយក៏អាចឈានដល់ការកើតជំងឺថប់បារម្ភ (Anxiety) និងជំងឺបាក់ទឹកចិត្ត (Depression) ផងដែរ។

៤. ធ្វើឲ្យអ្នកមានគ្រោះថ្នាក់

ដោយសារគ្មានការផ្ដោតអារម្មណ៍ ទើបអ្នកងាយនឹងប្រឈមនឹងគ្រោះថ្នាក់ផ្សេងៗ ដូចជាគ្រោះថ្នាក់ចរាចរណ៍ជាដើម។

៥. ប្រព័ន្ធភាពស៊ាំរបស់រាងកាយចុះខ្សោយ

ប្រព័ន្ធភាពស៊ាំរបស់រាងកាយជួយអ្នកទប់ទល់នឹងជំងឺផ្សេងៗប៉ុន្តែការគេងមិនគ្រប់ធ្វើឲ្យប្រព័ន្ធស៊ាំចាប់ផ្ដើមចុះខ្សោយ ធ្វើឲ្យអ្នកងាយនឹងឆ្លងជំងឺ ងាយនឹងឈឺ។

រូបភាពតំណាង
រូបភាពតំណាង

៦. អាចកើតជំងឺលើសសម្ពាធឈាម

បើសិនអ្នកគេងមិនគ្រប់ ឬគេងបានត្រឹម៤ទៅ៥ម៉ោងមួយយប់ នោះអ្នកនឹងប្រឈមនឹងហានិភ័យនៃការកើតជំងឺឡើងសម្ពាធឈាម និងជំងឺជាតិស្ករក្នុងឈាមខ្ពស់ផងដែរ ដែលធ្វើឲ្យពួកគេងាយនឹងកើតជំងឺទឹកនោមផ្អែមប្រភេទទី២។ ៧. ឡើងទម្ងន់

សូមអ្នកកុំគិតថា ការគេងមិនគ្រប់ធ្វើឲ្យអ្នកស្គមឲ្យសោះ ព្រោះផ្ទុយមកវិញ វាធ្វើឲ្យអ្នកឡើងទម្ងន់ ដោយសារសារធាតុគីមីដែលបញ្ជូនទៅកាន់ខួរក្បាលរបស់អ្នក ធ្វើការមិនបានល្អ ធ្វើឲ្យអ្នកចេះតែញ៉ាំដោយមិនបានគិត។

រូបភាពតំណាង
រូបភាពតំណាង

៨. បាត់បង់ចំណង់ផ្លូវភេទ

ការគេងមិនគ្រប់ក៏ធ្វើឲ្យអ្នកបាត់បង់ចំណង់ផ្លូវភេទ មិនអាចផ្ដល់សេចក្ដីសុខដល់ដៃគូបាន។

៩. ជំងឺបេះដូង

ការឡើងសម្ពាធឈាម និងឡើងជាតិស្ករក្នុងឈាមនេះ គឺធ្វើឲ្យឈានទៅរកការកើតជំងឺបេះដូងផងដែរ៕  

ប្រភពpharmeasy

Sok Navin
N.V

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T