ម្ចាស់ភាគហ៊ុន នៅតែមានការព្រួយបារម្ភ រឿង Lisa អាចដើរចេញពី YG ព្រោះតែភាគហ៊ុនបន្តធ្លា-»ក់

//s9.kh1.co/80/80bcf954981921c0a7bcb1b0a108cfea073236b8.jpg
តារា & កម្សាន្ដ

 ១៩-កញ្ញា-២០២៣ ១០ព្រឹក · ៥ ខែមុន

ការចាកចេញពី YG របស់ Lisa សមាជិក BLACKPINK ធ្វើឱ្យអ្នកវិនិយោគមានការព្រួយបារម្ភ។

កូរ៉េខាងត្បូង៖ នៅថ្ងៃទី ១៨ ខែកញ្ញា ភាគហ៊ុនរបស់ក្រុមហ៊ុន YG Entertainment បានធ្លាក់នៅតម្លៃទាបជាងមធ្យម ៧៨,០០០ វ៉ុន (៥៨.៩០ ដុល្លារអាមេរិក) ក្នុងមួយហ៊ុន ដោយធ្លាក់ចុះ ១.៦៤ភាគរយ បើធៀបពីមុន។ ការ​ធ្លាក់​ចុះ​នេះ​ត្រូវ​បាន​គេ​រំពឹង​ថា​ មានការពាក់ព័ន្ធ ទៅ​នឹង​ពាក្យ​ចចាម​អារ៉ាម​អំពី​ការអាចនឹងបរាជ័យ លើការ​ចរចារបន្តកិច្ចសន្យា​របស់ Lisa។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពាក្យចចាមអារ៉ាមបានចាប់ផ្តើមផ្សព្វផ្សាយបន្ទាប់ពីព័ត៌មាននៅថ្ងៃទី ១៥ ខែកញ្ ញាអំពីភាពស្និទ្ធស្នាលរបស់ Lisa ជាមួយ Frédéric Arnault កូនប្រុសរបស់ប្រធាន LVMH និងជានាយកប្រតិបត្តិនៃក្រុមហ៊ុន TAG Heuer ។ បន្តមកក៏មានពាក្យចចាមអារ៉ាមថា រវាង Lisa និង YG Entertainment គឺបរាជ័យក្នុងការពិភាក្សាលើការបន្តកុងត្រាថ្មី ដោយថានាងបានបដិសេធការផ្តល់ជូន ៣៧.៦ លានដុល្លារអាមេរិកពី YG ។ ដំណឹងនេះបានបង្កឱ្យមានការធ្លាក់ចុះ ២.៩ភាគរយ នៃតម្លៃភាគហ៊ុនរបស់ក្រុមហ៊ុន YG Entertainment បន្ថែមទៀត ។

យ៉ាងណាមិញ លោក Nam Soo Lee អ្នកស្រាវជ្រាវនៅ Kiwoom Securities សង្កត់ធ្ងន់ថា ការព្រួយបារម្ភចម្បងគឺថាតើ BLACKPINK នឹងបន្តកិច្ចសន្យារបស់ពួកគេដែរឬទេ? ព្រោះតែកិច្ចសន្យារបស់ពួកគេ នៅតែស្រពិចស្រពិល ដដែល។

ទោះជាយ៉ាងណាក៏ដោយ លោកក៏ស្នើឱ្យផ្តោតលើ ភាពជោគជ័យនៃអាល់ប៊ុមទោលដូចជាសមាជិក Jisoo និងការរំពឹងទុកសម្រាប់ការពង្រីកក្រុមសិល្បករបន្ថែមទៀតជាមួយនឹងសកម្មភាពដូចជា TREASURE, Baby Monsters និងច្រើនទៀត ក្នុងទ្រនំយក្សមួយនេះ៕

ប្រភព៖ Allkpop

សូមទស្សនារូបភាពខាងក្រោម៖

Lisa
Lisa
https://s9.kh1.co/__image/w=650,h=342,q=100/40/40ad471890d089f0d70eb37d26f132e22911fd15.jpg
Lisa
Lisa
Roth Karona
R.N

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T