ក្រោយ Vill បែកពីសង្សារ ហ្វេននឹកឃើញដល់តួ​​ឯកប្រុសរូបសង្ហាម្នាក់ ដែលស័កសមនឹងមើលថែបេះដូងនាង

ថៃ៖ ជាការពិតណាស់ តារាសម្ដែងស្រី ដ៏មានមន្ដស្នេហ៍ Vill Wannarot ទើបតែល្បីព័ត៌មានដែលនាងបែកបាក់ស្នេហាជាមួយតារាប្រុស Jes ក្រោយទាក់ទងគ្នាបាន៤ឆ្នាំ។ ក្រោយពីតារាស្រីរូបនេះ បានបញ្ចប់ស្នេហារួចមក បេះដូងនៅទំនេរមិនទាន់មានបុរសរូបណាចូលមកថ្នមថែនៅឡើយនោះទេ ដែលជាហេតុធ្វើឲ្យ អ្នកគាំទ្រ នឹកឃើញដល់តួឯកប្រុសដ៏សង្ហាម្នាក់ ដែលស័កសមមកជំនួសកន្លែងនេះ។

ក្រឡេកទៅមើលជីវិតសិល្បៈរបស់ Vill វិញ នាងធ្លាប់បានសម្ដែងជាតួឯកចាប់ដៃគូជាមួយនឹង តារាសម្ដែងប្រុស Son Yuke ដោយទទួលបានការគាំទ្រយ៉ាងខ្លាំង។ មិនតែប៉ុណ្ណោះ អ្នកគាំទ្រពិតជាពេញចិត្តនឹងអ្នកទាំងពីរជាខ្លាំង ហើយចង់ឲ្យ Son និង Vill ក្លាយជាគូស្នេហ៍ក្នុងជីវិតពិតទៀតផង។

អ្វីដែលធ្វើឲ្យអ្នកគាំទ្រមានសង្ឃឹមទៅលើគូនេះទៀតនោះ គឺ តារាប្រុសរាងខ្ពស់រូបនេះ ក៏នៅមិនទាន់មានម្ចាស់បេះដូងនៅឡើយដែរ។ ពិសេស Vill និង​ លោក ក៏ធ្លាប់មានពាក្យចចាអារាមបង្កាត់ភ្លើងស្នេហ៍ពីមុនមកដែរ ប៉ុន្ដែកាលនោះ Vill មានសង្សាររួចទៅហើយ៕

ប្រភព៖ Thailand star - Cambodia Fanclub